Saray Pakabat
◼ Opresin literatura parad Oktubre 1-15: Iyopresi iray kopya na Say Panag-Bantayan tan Awake! No walay mangipatnag na interes, iparungtal so brosyur a Mantultuloy a Manbantay! Oktubre 16–Nobyembre 12: Espisyal a kampanya ya usaren so Kingdom News No. 37. Nobyembre 13-30: Iyopresi so libron Manaral Manlapud Sankamaongan a Managbangat. Disyembre: Nayarin iyopresi so dinanman ed saray onggendan a libro: The Greatest Man Who Ever Lived, The Bible—God’s Word or Man’s?, My Book of Bible Stories, odino Makapambilay Kayo na Ando lan Ando ed Paraiso diad Dalin. Enero: Nayarin iyopresi so dinanman a 192-pahinan libro ya impalapag sakbay na 1991. No say kongregasyon yo et andian na antokaman ed sarayan daan a libro, nayarin iyopresi so libron Pikakabat odino say brosyur a Mantultuloy a Manbantay!
◼ Saray order a 2007 Yearbook so nayari la natan ya ipawit ed sangan opisina. Lapud sayan gagala, nipawit la so Yearbook Order Blank ya akalaktip ed binulan ya statement parad Agosto. Saya so nepeg a sulatan na saray literature coordinator tan literature servant insan ipawil da so orihinal a kopya diad sangan opisina ya ag-onlampas ed Nobyembre 15, 2006.
◼ Say kompleton programa na distriton kombension parad saray telek so nagawa diad Metro Manila Assembly Hall ed Quezon City no Enero 5-7, 2007. Nepeg ya onatendi so siopaman a telek a makatalos na sign language tan labay toy nagunggonaan ed programa, lapud anggapo lay arum a programa parad saray telek diad arum iran kombension.
◼ Lapud say Disyembre et limaran Sabado tan limaran Simba, sankaabigan a bulan iya pian man-auxiliary payunir.
◼ Ipangasin imanoen ed pahina 6 a say Distriton Kombension ed Bacolod City so nagawa no Disyembre 22-24, 2006 imbes a Disyembre 8-10, 2006.
◼ Saray Balon Publikasyon a Nayari lan Pedidoen:
Apocalipsis—Asingger la so Engranden Kapantokan To!—Bicol, Hiligaynon, Pangasinan, Samar-Leyte (Paimano: Saray order parad sarayan balon publikasyon, ontan met ed saray order parad kaaruman a suplay na sayan libro diad Cebuano, Iloko, tan Tagalog, so nayarin ipawit ya onggapo ed Oktubre 1, 2006. Kasabi na suplay tayo manlapud Hapon, ipawit mi iray order yo. Panggunaetan mi ya ipawit ed sikayo so order yo sakbay ya usaren iratan ed Panagaral na Kongregasyon ed Libro ya onggapo ed simba na Enero 8, 2007.)