Eskedyul ed Pantitipon Parad Panagserbi

Simba na Pebrero 11

Kanta 168

10 min: Lokal iran pakabat. Idemostra no panon ya iyopresi so Pebrero 1 a Watchtower tan Pebrero ya Awake! ya usaren iray suhestion a walad pahina 8 odino arum niran presentasyon a matukoy ed teritorya yo.

15 min: Kasin Makapanlingkor Kayo ed Babaleg so Pankaukolan? Paliwawa tan singbaten a mibiang iray dumerengel a nibase ed Hulyo 15, 2003, a Panag-Bantayan pahina 20. Ilaktip iray komento ed libron Organisado, pahina 111, parapo 1, anggad pahina 112, parapo 1. Manginterbio a magano na siopaman ya inmalis ed lugar a babaleg so pankaukolan. Antoran problema so inarap da, tan panon dan atalonaan iratan? Antoran bendisyon so naawat da?

20 min: Tulongan Iray Balo ni ya Onaligwas Bilang Miministro. Kayari na introduksion a kulang a sakey minuto, singbaten panamegley na tepet tan ebat so Disyembre 1, 2005, a Panag-Bantayan, pahina 31, ya usaren iray tepet a nitarya. Kayarin singbaten so parapo 18, mangipademostra na sakey ya eksena a say unabung et onsuppiat ed balon manangipalapag a kaiba na eksperiensyado lan manangipalapag. Aliwan epektibo so ebat na balon manangipalapag, tan sampotan la na unabung so pitongtong to. Kaalis da, say eksperiensyadon manangipalapag so mangomenda ed balo ni lapud impansagpot to. Insan ipanengneng na eksperiensyadon manangipalapag no panon ya usaren so libron Reasoning pian diad arapen et naebatan na balo ni so ontan a manamatunda na tongtongan.

Kanta 50

Simba na Pebrero 18

Kanta 17

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian.

10 min: Lokal iran pankaukolan.

25 min: “Paneknek na Mabiskeg a Pananisia!”a Betang na manangasikaso na serbisyo. Saraan panamegley na positibon panrepaso ed no antoy agawaan na kongregasyon legan na apalabas a serbisyon taon.

Kanta 194

Simba na Pebrero 25

Kanta 81

10 min: Lokal iran pakabat. Panonotan iray manangipalapag ya iter da la iray report da parad Pebrero. Basaen iray report na kuenta tan saray sulat parad naawat a donasyon. Idemostra no panon ya usaren so imbitasyon ed Memoryal pian imbitaan so membro na pamilya odino kaabay.

20 min: “Nodnonoten so Dondon Tekep na Apresasyon.”b No iyabuloy na oras, kerewen ed saray dumerengel a komentoan so nisitas iran teksto.

15 min: Iparaan so Pangiyopresi ed Balo Iran Magasin. Singbaten a mibiang iray dumerengel. Kayari na antikey a panrepaso ed Marso 1 a Watchtower tan Marso ya Awake! tepetan iray dumerengel no dinan iran artikulo so nayarin makapainteres ed totoo ed teritorya tan akin. Kerewen ed saray dumerengel a mamitla na espisipiko iran punto ed artikulo a plano ran iparungtal. Anton tepet so nayarin itepet ed gapo na tongtongan? Dinan a teksto ed artikulo so nayarin basaen? Diad pangusar ed saray suhestion na agagi odino say walad Ministeryo Tayo ed Panarian, idemostra no panon ya iyopresi so Marso 1 a Watchtower tan Marso ya Awake!

Kanta 119

Simba na Marso 3

Kanta 223

10 min: Lokal iran pakabat. Repasoen iray manunan punto manlapud kahon a “Saray Panonot ed Memoryal.”

20 min: Kasin Sarag Yoy Mangigapo na Panangiyaral na Biblia ed Marso? Singbaten a mibiang iray dumerengel. Legan na Marso et iyopresi tayo so libron Ibabangat na Biblia tekep na kalat a makapangigapo na saray panangiyaral na Biblia. Repasoen iray pigaran ekselentin kabiangan na libro. Singbaten no panon itan ya ipresenta sano ompawil ed toon angipanengneng na interes sanen inikdan tayo na imbitasyon ed Memoryal, sano pawilen so apalimaan na magasin, tan sano iyopresi itan ed kabkaabungan kayari na Marso 22. (Nengnengen so km 4/07 p. 4; km 3/06 p. 1, par. 3; km 1/06 p. 3-6.) Mangipademostra na sakey odino duaran presentasyon.

15 min: Usaren so Biblia Sano Ebatan Iray Tepet. Paliwawa tan singbaten a mibiang iray dumerengel a nibase ed libron Eskuelaan Parad Ministeryo, pahina 143-4. Ilaktip so antikey a demostrasyon a say manangipalapag et atepetan na kaslakan lan nitetepet ed teritorya yo, insan to usaren so Biblia a pangebat.

Kanta 145

[Saray paimano ed leksab]