Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 25, 2008. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 7 ya anggad Agosto 25, 2008.
KALIDAD NA PANAGSALITA
1. Panon tayon nipatnag so inkamakatunongan sano inanabang tayo ed arum so katuaan? (Fil. 4:5, NW) [be p. 251 par. 3]
2. Panon ya ontulong ed sikatayo so ehemplo nen Pablo sanen sikatoy akitongtong ed saray Griego diad Areopago sano mantatasi itayo ed saramay agda bibidbiren so autoridad na Biblia? (Gawa 17:22, 23) [be p. 252 par. 1-2]
3. Anggaman amta tayo lan nalilingo so toon pitotongtongan tayo, panon tayon nipatnag ed sikato so inkamakatunongan? [be p. 253 par. 1-2]
4. Legan tayon panggugunaetan so mitongtong ed makakombinsin paraan, anto so nepeg tayon tandaan? [be p. 255 par. 3, kahon]
5. Panon tayon nausar so pakatebek diad panggugunaet tayon sabien so puso na katongtong tayo? (Uli. 20:5) [be p. 258 par. 1-5]
ASAINMIN NO. 1
6. Anto so nepeg a tandaan na saray agagin bibii sano manggagawa ira na setting? [be p. 44 par. 5-6]
7. Anto so nepeg a panggunaetan a kimeyan na saray agagin lalaki sano apabtangan iran mangipresenta ed saray pabitar ed Biblia? (Neh. 8:8) [be p. 47 par. 2-3]
8. Panon so nepeg a pangipresenta na sakey ya agin laki ed asainmin to ed Pantitipon Parad Panagserbi a walaay demostrasyon odino interbio? [be p. 49 par. 5]
9. Panon ya impabitar na libron Gawa no panon so nepeg a pampulong tayo tan no panon so nepeg a kalaknab na satan? (Gawa 20:20, 21, NW; 28:23, NW) [bsi08-1-PN p. 16 par. 35]
10. Anto so gawaen na sakey a mangipresenta ed paliwawa parad publiko pian naseguro ton say Biblia so basiyan na paliwawa to? (Gawa 17:2, 3) [be p. 52 par. 6–p. 53 par. 2]
SINIMBAN BABASAEN ED BIBLIA
11. Akin et “ngalngali pinatey [na samay taga Felipe a guardia na prisoan] so sikaton dili”? (Gawa 16:25-27) [w90-E 5/15 p. 25, kahon]
12. Panon so inkiwas di Aristarco tan Gayo ed panamasegsegang? (Gawa 19:29; 20:4, 5) [w08 2/15 p. 10 par. 16-17]
13. Anto so labay ya ibaga na samay, si Saulo et ‘dedepakan to ray utok’? (Gawa 26:14) [w03 10/1 p. 32]
14. Panon ya ‘anganamot so kasalanan’ panamegley na saramay ganggan na Dios ed Israel? (Roma 7:8, 11) [w08 6/15 “Say Salita nen Jehova et Mabilay—Saray Pabitar ed Libro na Roma”]
15. Panon tayon ‘buntonay ngalab na apoy’ so ulo na sakey a kabusol? (Roma 12:20) [w08 6/15 “Say Salita nen Jehova et Mabilay—Saray Pabitar ed Libro na Roma”]