Ondarakel so Naeermenan​—No Antoy Ibabaga na Biblia

Base ed agano nin impan-survey,a sakey ed kada apatiran too so maermen.

• “Anggan siopa et nayarin naandi so relasyon tan koneksion to ed arum ya totoo, antokaman so edad to, tan inerman so kulaan to.”​—Chido Mpemba, cochair na World Health Organization’s Commission on Social Connection.

Iisipen na arum ya saray maedad labat odino saray bukbukor da so naeermenan. Pero diad tua, anggan saray ugaw ni, saramay anggapoy sakit da, dakel lay agawaan dad bilay, tan walay asawa ra et nayarin naermenan met. No anggapoy koneksion tayod arum tan maermen tayo, nayarin naapektoan so pisikal tan emosyon tayo.

• “Say ermen et aliwa labat ya basta aliwliwan liknaan,” so imbaga nen Dr. Vivek Murthy, surgeon general ed United States. Imbaga to ni ya: “Say posibilidad ya ompatey so sakey ya toon anggapoy relasyon odino koneksion to ed arum et parehas ed toon mansisigarilyo na anggad 15 ya stick kada agew.”

No antoy ibabaga na Biblia

Aglabay na amalsa ed sikatayo ya anggapoy koneksion tayo ed arum ya totoo. Manlapu la nensaman, gagala na Dios ya na-enjoy na totoo so piulop ed arum.

• Prinsipyo na Biblia: Inkuan na Dios: “Aliwan maabig ed laki a sikatoy mansiansian manbukbukor.”​—Genesis 2:18.

Labay na Dios ya nawalaan tayoy relasyon ed sikato. Imbaga to ya no manggawa tayoy paraan pian onapit ed sikato, onapit met ed sikatayo.​—Santiago 4:8.

• Prinsipyo na Biblia: “Maliket iray manonot ed espiritual a pankaukolan da, ta kayarian da so Panarian na tawen.”​—Mateo 5:3.

Labay na Dios ya miulop tayod arum diad pandayew ed sikato. No gawaen tayo itan naliketan tayo.

• Prinsipyo na Biblia: “Nonoten tayoy sakey tan sakey pian makapansasagyatan itayo a mangaro tan manggaway maabig iran kimey, ya agtayo papaulyanan so pantitipon tayo, . . . noagta manpapasesegan itayo.”​—Hebreo 10:24, 25.

Parad kaaruman ya impormasyon ed no akin ya kailangan tayon labanan so ermen, basaen so artikulon “Malungkot Kahit na Masulong ang Teknolohiya sa Komunikasyon.”