Ontutua so Amin ya Ibabaga na Biblia

Nabasa ed Biblia iray tuan istorya nipaakar ed apalabas tan ed arapen. Kanian amta tayo ya nanlapu iya ed Dios. Antoy ibabaga na Biblia ya nagawad arapen?

Ibabaga na saya so nipaakar ed pilaban na Dios. Deralen na Dios so amin ya mauges, balet protektaan to iray manlilingkor ed sikato. Seguroen nen Jesu-Kristo, say pinili na Dios ya man-ari, ya walay deen tan liket na saray lingkor na Dios. Tan agla ran balot mansakit odino ompatey.

Agaylay dakep no gawaen la na Dios ya balon paraiso so dalin! Balet walay kaukolan tayon gawaen pian makapanayam ed paraiso. Naaralan tayod sampot ya istorya na sayan libro no antoy gawaen tayo pian naawat tayoy marakdakep ya iter na Dios ed saray manlilingkor ed sikato. Kanian basam so PARTE 8 pian naamtaan moy ibabaga na Biblia ya nagawad arapen.