Report na Saray Manangiyabawag na Panarian

India​—“Pankakasakey Anggaman ed Panduruma”

SAY popular a diparan a “Pankakasakey Anggaman ed Panduruma” so nausar pian deskribien so nasyonal a pankakasakey ed India. Aliwan mainomay so pakadampot na pankakasakey ed sayan maawang a bansa a walaay baleg a pandurumaan ed kultura, lenguahe, relihyon, etniko iran lapuan, panangawes, tan tagano. Anggaman kuan, say ontan a pankakasakey so naiimano ed opisina na administrasyon na Tastasi nen Jehova diad India, anggaman saray boluntaryon manaayam tan mankikimey diman so nanlalapud dakel ya estado tan union territories tan mansasalitay pigaran nanduruman lenguahe.

• Kabaten tayo si Rajrani​—sakey a kalangweran a biin taga-Punjab, diad arawin pasen ya amianen-sagur na India. Sanen maneeskuela ni Rajrani, sakey ed saray kaklase to so iyaaralan na saray Tastasi nen Jehova na Biblia. Nanggunaetan na sayan kalangweran a bii a sagyaten so interes nen Rajrani ed Biblia. Lapud agtanton makatalos na Ingles iyan kaklase tan Say Panag-Bantayan so anggapo ni ed saman ed lenguahen Punjabi, impaipatalos to met ed si Rajrani iray lugan na magasin parad sikato. Say abasa nen Rajrani ed Say Panag-Bantayan so angimpluensian maong ed sikato ya anggaman ed isusumpa na atateng to et sikatoy inmaligwas anggad punton indedika to lay bilay to ed si Jehova a Dios. Diad panlilingkor to natan ed Bethel diad India, say kimey to so mipadpara’d samay ginawa to a sengegay akaamtaan to na katuaan. Sikatoy mangipapatalos ed saray Kristianon palapagan ed lenguahen Punjabi!

• Konsideraen met si Bijoe, a nanlapu ed sananey a parti na India​—say abalaten-sagur ya estado na Kerala. Pinataynan si Bijoe ed high school lapud neutral a talindeg to legan na saray nasyonalistikon seremonya. Kayari na abayag a kaso ed korte a nansumpal ed makatantandan impanalo parad puron panagdayew, apapawil si Bijoe ed eskuelaan.a Sikato met so nankolehyo. Balet, sikatoy nakokonsiensia lapud imoral a kipapasen ed kolehyo, kanian agto la insumpal so unonan term to. Natan, kayari samploy taon ed Bethel, liknaen ton sikatoy mas agunggonaan diad impagmaliw ton membro na nanduruma balet ta nankakasakey a pamilyay Bethel nen say nagamoran to komon ed panggemtan na atagtagey ya edukasyon.

• Si Norma tan Lily so manedad la na masulok a 70 tan dakel lan taon laran abalo. Balang sakey ed sikara so akapangusar la na manga 40 a taon ed sigpot-panaon a serbisyo. Mantratrabaho si Lily ed sangan opisina ed loob la na manga 20 a taon bilang managpatalos ed lenguahe a Tamil. Sinmabi si Norma ed Bethel 13 a taon lay apalabas kayari impatey na masiken to. Likud ed maabig ya ehemplo ra ed inkakuli tan masimoon a komikimey, sikaray maabig ya impluensia ed pankakasakey ed intiron pamilya na Bethel. Labalabay day nawalaan na saray bisita, tan panggagayagaan day pipiulop ed saray malangwer nin membro na pamilya, ya inanabang iray gayaga na dakel lan taon na Kristianon bilay. Tan ombabales met iray kalangweran diad pangiimbita ed sikara ed saray kuarto ra parad pililimog tan diad pangaasisti ed sikara sano nakaukolan. Agaylan maabig ya ehemplo!

Diad impakatalona ed pandurumaan a sengegay gulaan tan agpantutunosan ed dakel a paspasen, sarayan boluntaryo so malikeliket a saniiban mankikimey pian lingkoran so arum bilang membro na nankakasakey a pamilyan Bethel ed India.​—Salmo 133:1.

[Paimano ed leksab]

[Picture Credit Line ed pahina 8]

Background: Mountain High Maps® Copyright © 1997 Digital Wisdom, Inc.