Amin so Makaaral Manlapud Noah—He Walked With God
Basaen odino repasoen so Genesis 6:1 ya anggad 9:19. Insan bantayan so video a Noah, tan isipen no panon yon ebatan irayan tepet: (1) Anto so kipapasen na mundo ed panaon nen Noe, tan panon a nagmaliw ya ontan? (2) Anto so nanggawa ed si Noe a nikadkaduma, anton kimey so impagawa na Dios ed sikato, tan akin? (3) Iner so nayarin angipaalageyan ed biong, kaunongan kabayag itan, tan panon kabaleg itan? (4) Likud ed pangipaalagey ed biong, anto ni so kinaukolan a gawaen nen Noe tan say pamilya to? (5) Anto so padesir yon itsura na biong sanen nikapot la? (6) Anto so nayarin nalikna yo sano akaliktar kayo ed Delap? (7) Anton pakanodnonotan ed Delap so sagpaminsan a nanenengneng tayo, tan anto so kabaliksan na satan? (8) Anto so imbangat na salaysay na Biblia nipaakar ed si Noe diad inkasikayo, ed pamilya yo, tan ed kimey a pagagawa na Dios ed sikatayo? (9) Antoray labay yon itepet ed si Noe tan ed say pamilya to sano naabet yo ra diad Paraiso? (10) Anto so plano yon pangusaran ed video a Noah natan?