Pinabli Iran Manangipalapag na Panarian:

Nen Pebrero 4, 2008, ginmapo so inmunan klase na balon Eskuelaan parad saray Mamatatken ed Kongregasyon diad Patterson Educational Center ed Estados Unidos.

Legan na panaaral, nanliketan na saray mangidadaulon manangasikaso so makapabiskeg a pililimog ed pamilyan Bethel. Naatendian da met so panagteksto kada kabuasan, ontan met ed Panagaral na Panag-Bantayan na pamilyan Bethel kada Lunes na labi. Say kapantokan na eskuelaan so agawa diad unor ya agew sanen walaray espisyal a lektyur ya impaliwawa na sakey a membro na Komite na Sanga na Estados Unidos tan sakey a membro na Mananguley ya Ulop.

Dakel so balikas na apresasyon a naawat manlapud saray nanaral a mamatatken. Inkuan na sakey a matatken: “Talagan makapaseseg so inkiwalak ed Bethel a sakey simba!” Insulat met na sakey: “Apabiskeg ak pian sumpalen ko iray responsabilidad ko tekep na apasimbalon seseg.” Say peles a kurikulum et sakopen toy nanduruman aspekto na saray responsabilidad na saray mangidadaulon manangasikaso tan ontulong ed sikaran manserbi ed saray pankaukolan na kongregasyon ed lalon epektibon paraan. (Gawa 20:28) Anggaman anggapo ni iyan eskuelaan ed Pilipinas, maseguron maliket itayon makapikabat ed sayan maaron probisyon nen Jehova pian ipasal iray manangasikaso tan ipikasi so panamendisyon nen Jehova ed arapen iran klase.

Saray agagi yo,

Sangan Opisina ed Pilipinas