No Anto so Ibaga Nipaakar ed Saray Magasin

The Watchtower Ago. 1

“Kasin onabobon kayo a say pangunor ed sayay nabasa dia a ganggan nen Jesus et makatulong pian lalon maliket so pamilya? [Basaen so Juan 13:34. Abuloyan ya onebat.] Ipapanengneng na sayan artikulo no panon a saray bangat tan ehemplo nen Jesus so onaplika ed kada membro na pamilya.” Iparungtal so artikulo ed pahina 16 tan 17.

Awake! Ago.

“Diad padesir yo, ontalona kasi iray gobierno na too ed panolbar ed probleman global warming? [Abuloyan ya onebat. Insan basaen so Jeremias 10:23.] Seguradon nagustoan yo iyan artikulo. Ipapabitar na saya so solusyon na Dios ed saray problema a mamipeligro ed dalin.”

The Watchtower Set. 1

“Kabisado na maslak a totoo iray salita nen Jesus diad Mateo 6:9. [Basaen.] Balet, dakel so makakaimano a mairap so onapit ed Dios tan pangipasen ed sikato bilang Ama. Parad sikayo, panon tayon makaapit ed Dios? [Abuloyan ya onebat.] Sisingbaten na sayan magasin iray nanduruman kalidad na mangatatawen ya Ama tayo tan no panon a sikatoy talagan nakabat tayo.”

Awake! Set.

“Diad saray inlabas na siglo, dakel lay debati nipaakar ed ideyan biek a bilay. Antoy nibaga yo met ey? [Abuloyan ya onebat.] Imanoen so papanisiaan nen Job. [Basaen so Job 14:14, 15.] Ipaparungtal na sarayan artikulo so panmoria na Biblia nipaakar ed bilay kayari ipatey.”