No Panon ya Usaren so Siopa ray Manggagawa na Linawa nen Jehova Natan?
Balon Brosyur ya Ontulong Pian Niwanwan ed Organisasyon Iray Iyaaralan na Biblia
1. Antoy taloran gagala na brosyur ya Linawa nen Jehova?
1 Kasin asalim lan inusar so balon brosyur ya Siopa ray Manggagawa na Linawa nen Jehova Natan? Say gagala na saya et (1) pian magmaliw a pamilyar ed sikatayo ran Tasi iray iyaaralan na Biblia, (2) pian naamtaan da ray kimey tayo, tan (3) pian ipanengneng ed sikara no panon ya nipapakurang so organisasyon tayo. Say brosyur ya Linawa nen Jehova et sakey pahina labat so kada leksion to. Kanian sarag yon pantongtongan iya ed loob na limara anggad samploran minuto kayari kada panaral yo.
2. Anto ray karga na sayan brosyur?
2 No Anto ray Karga na Saya: Naapag ed taloran seksion iyan brosyur, tan ipaliwawa na saratan so nanduruman aspekto na organisasyon nen Jehova. Saray title na 28 leksion et tepet, tan saray mabakat ya subheading so mangebat ed saratan. Walay masulok ya 50 litrato na nanduruman bansa pian ipanengneng ya interon mundo so kimey tayo. Dakel ed saray leksion et walay kahon ton “Salim Iyan Gawaen.” Wala ray suhestion ditan ya nayarin ipaseseg mon gawaen na iyaaralan mo.
3. Panon tayon usaren so brosyur ya Linawa nen Jehova?
3 No Panon Iyan Usaren: Unona, mantepet ya usaren so title na leksion. Insan, legan yon babasaen so leksion, idanet iray mabakat ya subheading. Kayari to, pantongtongan iray repason tepet diad leksab na pahina. Sarag yon diretson basaen so leksion odino basaen tan pantongtongan so kada seksion. Depende ed sikayo no dinan iran nisitan teksto so matukoy ya basaen. Aglilingwanan ya ipaimano iray litrato tan kahon ya “Salim Iyan Gawaen.” Kaslakan et mantutumbokan ya aralen iray leksion. Balet, sarag yo met so onlad leksion ya labay lan pantongtongan na iyaaralan. Alimbawa, no magano lay asamblea odino kombension yo, sarag yoy onluksod leksion 11.
4. Akin ya misalsalamat tayod impangipaway ed sayan balon brosyur?
4 No mangiyaaral itayo na Biblia ed sakey, sikatoy tutulongan tayon nakabat so Ama tayo ed tawen. Balet, kaukolan ti met ya ibangat ed sikato so nipaakar ed organisasyon nen Jehova. (Uli. 6:20) Misalsalamat itayo ta mainomay tayon nagawaan itan lapud sayan balon brosyur!