Makatulong Iray Kingdom Song Pian Makapanpakpel Tayo

Si Pablo tan Silas et angansion na panangidayew ed Dios legan iran walad prisoan. (Gaw 16:25) Diad panaon tayo, saray agagi tayo et angansion na saray Kingdom song legan iran walad Sachsenhausen concentration camp diad Nazi Germany tan legan iran nibantak ed Siberia. Ipapanengneng na sarayan alimbawa ya makatulong iray kansion pian makapanpakpel iray Kristiano sano nasusubok ira.

Dakel ya lenguahe so asingger lan nawalaan na balon songbook ya say title to et “Mangansion a Malikeliket” Parad si Jehova. No wala lay kopya tayo, sarag tayon i-memorize so lyrics diad pampraktis tayo legan na panagdayew na pamilya. (Efe 5:19) No wala ray onsabin subok, tulongan itayo na masanton espiritu pian nanonotan tayo iratan. Makatulong iray Kingdom song pian makapanpokus tayod ilalo tayo. Napabiskeg itayo no nipapaarap tayod saray subok. Tan anggano agtayo ondadalan ed subok, saray makapaseseg ya lyrics et makatulong ed sikatayon “mangansion a malikeliket” lapud balibali liknaan tayo. (1Aw 15:16; Sal 33:1-3) Komon ta usaren tayon maong iray Kingdom song tayo!

BANTAYAN SO VIDEO YA SAKEY YA KANSION YA AKATULONG ED SARAY TRABAHADOR, INSAN EBATAN IRAYAN TEPET:

• Anto ran situasyon so amakiwas ed si Brother Frost ya mankompos na sakey ya kansion?

• Panon ya akatulong itan ya kansion ed saray agagin walad Sachsenhausen concentration camp?

• Diad anto ran situasyon ya nayari kan napabiskeg na saray Kingdom song?

• Anto ran Kingdom song so labay mon i-memorize?