Tepet

◼ Panon kabayag so nepeg a pangiyaral tayo’d progresibon estudyante na Biblia?

Maabig no ituloy ya iyaralan so sakey a progresibon estudyante na Biblia anggad nasumpal toy duaran libro​—Anto so Peteg ya Ibabangat na Biblia? tan “Mansiansia Kayo ed Panangaro na Dios.” Onaplika iya anggan sikatoy nabautismoan la antis a nasumpal iratan a libro. Kayari na bautismo to, sarag tayo nin ireport so oras, return visit, tan panangiyaral. No walay manangipalapag a kaiba tayon angiyaral, nayarian to met ya ireport so oras.​—Nengnengen so Marso 2009 a Ministeryo Tayo ed Panarian, pahina 2.

Importantin nawalaan na maabig a pundasyon ed katuaan iray balo ni antis tayon itunday pangiyaral ed sikara. Kaukolan a sikaray “nilamut” ed Kristo tan ‘napabiskeg ed pananisia’ pian nasungdoan da ray subsubok a seguradon naabet da. (Col. 2:​6, 7; 2 Tim. 3:12; 1 Ped. 5:​8, 9) Niarum ni, pian epektibo dan nibangat so arum, kaukolan day nawalaan na “suston pikakabat ed katuaan.” (1 Tim. 2:⁠4) No sumpalen tayon iyaral so duaran libro, natulongan tayo iran nawalaan na malet a pundasyon ed “dalan ya ompugta ed bilay.”​—Mat. 7:⁠14.

Antis ya aprobaan na saray elder so sakey a manpabautismo, kaukolan dan seguroen ya talagan natatalosan to iray manunan bangat na Biblia tan iyaaplika to iratan ed bilay to. Nepeg a manalwar ya maong iray elder no ikokonsidera day kualipikasyon na sakey ya estudyanten agto ni asumpal so unonan libro. No say sakey et agni kualipikado, iyuksoy na saray elder so pakagamor toy nakaukolan a personal a tulong pian onkualipika ed bautismo diad arapen.​—Nengnengen so Organisadon Manggawa na Linawa nen Jehova, pahina 217-218.

[Blurb ed pahina 2]

Importantin nawalaan na maabig a pundasyon ed katuaan iray balo ni