SARAY TOPIC YA SARAG YON ARALEN
Makpel Mon Gawaen so Duga Anggano Wala ray Onkokontra
Basaen so Jeremias 38:1-13 pian naamtaan mo no panon mon naalig so inkakpel nen propetan Jeremias tan say eunoko ya si Ebed-melec.
Amtaen so konteksto. Akin et kaukolan nen Jeremias so manpakpel pian naipasabi tod saray totoo so mensahe nen Jehova? (Jer. 27:12-14; 28:15-17; 37:6-10) Antoy reaksion na saray totoo ed satan ya mensahe?—Jer. 37:15, 16.
Aralen iray detalye. Antoy isusugsog na saray totoo ya gawaen nen Jeremias? (jr 26-27 ¶20-22) Amtaen no antoy usar na bobon diad panaon na Biblia tan no antoy itsura to ’tan nensaman. (it-1-TG 1073-1074) Anto kasi nalilikna nen Jeremias legan ya walad mapitek ya bobon? Akin et kaukolan nen Ebed-melec so manpakpel pian natulongan toy Jeremias?—w12-TG 5/1 31 ¶2-3.
Isip mo no anto ray naaralan mo. Tepetan moy sarilim:
‘Antoy naaralan ko ed sayan salaysay nipaakar ed pamproprotekta nen Jehova ed saray matoor ya lingkor to?’ (Sal. 97:10; Jer. 39:15-18)
‘Anto ray situasyon ya kaukolan koy manpakpel?’
‘Antoy makatulong pian makpel kon nagawaan so duga anggano wala ray onkokontra?’ (w11-TG 3/1 30)a
a Parad kaaruman ya impormasyon no anto ran topic so sarag mon aralen, nengnengen so artikulon “Tips ed Pam-personal Study” diad Hulyo 2023 ya isyu na Say Panag-bantayan.