Kico e Reino di Dios Lo Haci cu Guera?

Rond mundo, guera ta sigui causa hopi dolor y sufrimento. Ripara kico algun informe ta menciona:

• “Aña pasa mas hopi hende a muri debi na guera compara cu tur e otro añanan desde 1994. Mayoria di e hendenan ey a muri den e guera na Etiopia y Ucrania.”—Peace Research Institute Oslo, 7 di juni 2023.

• “E guera na Ucrania ta djis un di e conflictonan cu a escala na 2022. Rond mundo violencia politico a aumenta cu 27%, y esey a afecta rond di 1.7 mil miyon hende.”—The Armed Conflict Location & Event Data Project (ACLED), 8 di februari 2023.

Pero Bijbel ta duna nos speransa. E ta bisa cu “Dios di cielo lo lanta un reino cu nunca lo ser destrui.” (Daniel 2:44) Bou di e reino of gobierno ey, Dios lo “caba cu guera tur caminda riba Tera.”—Salmo 46:9.