Yòb

 2 “Un persona sabí ta rasoná ku palabra bashí?*

Lo e sinta pensa kos negativo so?*

 3 Un persona sabí no ta korigí hende ku palabra bashí; esei no tin sentido;

papia i papia sin bisa nada no ta yuda ku nada.

 4 Ta manera bo no tin rèspèt profundo pa Dios;*

bo no ta animá hende pa nan mustra interes den Dios.

 5 Ta bo pikánan ta dikta loke bo ta papia;*

bo ta skohe bo palabranan astutamente.

 6 Ta bo propio boka ta kondená bo, i no ami;

bo propio lepnan ta testiguá kontra bo.

 7 Ta abo tabata e promé hende ku a nase?

Bo a nase promé ku e serunan a eksistí?

 8 Akaso bo ta skucha e kòmbersashonnan ku Dios tin den shelu?

Ta abo ta e úniko persona sabí na mundu?

10 Nos ta hende di edat ku kabei blanku;

nos ta mas bieu ku bo tata.

11 E palabranan di konsuelo ku ta bini di Dios no ta sufisiente pa bo?

Kiko di e palabranan ku a papia na un manera amabel ku bo?

12 Pakiko bo ta bai tras di bo kurason?

Dikon bo wowonan ta chispa kandela?*

13 Bo ta rabia ku Dios,

i bo ta papia kos ku bo no mester papia.

14 Un simpel hende por ta puru?

Hende ku a sali for di barika di hende muhé por ta hustu?

15 Tende! Dios no ta konfia ni su angelnan;*

ni shelu no ta puru den su bista.

16 Kiko ta para di un persona korupto i malbado?

Kiko ta para di un hende ku ta bebe inhustisia manera ta awa e ta bebe?

Mi ta bai konta bo loke mi ta opservá,

18 loke hende sabí a yega di bisa, loke nan a haña sa for di nan antepasadonan,

kos ku nan no a skonde.

19 Nan a risibí un pais kaminda nan so lo a biba;

no tabatin estranhero entre nan.

20 Un persona malbado òf un tirano ta ser tormentá tur e dianan di su bida,

sí, durante tur e añanan di su bida.

21 E ta tende zonido spantoso;

den tempu di pas, atrakadó ta atak’é.

22 E no ta kere ku lo e skapa di skuridat;

lo e muri sigur pa medio di spada.

24 Doló i difikultat ta pon’é preokupá;

nan ta pon’é sinti komo si fuera ta un rei ta bin atak’é.

25 E ta hisa su man i menasá Dios;

e ta purba di desafiá* Dios Todopoderoso!

26 E ta tèrko; e ta bringa kontra Dios,

ku eskudo grandi i pisá.

27 Su kara ta gordo,*

i su sintura ta puru vèt.

28 E ta biba den e statnan ku lo ser destruí,

den kas kaminda niun hende lo biba,

den kas ku lo para bira un monton di piedra.

29 Lo e no bira riku; su fortuna lo no oumentá;

su propiedatnan lo no oumentá.*

30 Lo e hañ’é ku kalamidat; lo e no skapa;

Dios lo supl’é i* pon’é disparsé.

31 Un persona no mester gaña su mes i konfia den loke ta inútil;

e no ta risibí nada komo rekompensa.

32 Sí, su dianan lo yega na un fin sin ku e risibí nada;

su takinan lo no floresé nunka.

33 Lo e ta manera un mata di wendrùif ku ta pèrdè su drùifnan promé ku nan hecha;

lo e ta manera un palu di oleifi ku a pèrdè su flornan.

34 E kosnan ku hende sin rèspèt pa Dios* ta hasi lo no ta benefisioso;

kandela lo kaba ku tènt di hende ku ta aseptá soborno.

35 Hende sin rèspèt pa Dios ta konsebí problema i duna lus na loke ta malu;

nan matris ta produsí engaño.”