Salmo

24 Tera i tur loke tin riba dje ta di Yehova,

sí, tera* i tur ku ta biba riba dje.

 2 El a establesé tera firmemente

riba laman i riba riu.

 3 Ken tin mag di subi e seru di Yehova?

Ken tin mag di para den su lugá santu?

 4 Dios ta bisa: “Tur hende ku ta inosente* i ku kurason puru,

ku no ta hasi huramentu falsu den mi nòmber*

i ku no ta hura ku intenshon di gaña hende.”

 5 Nan lo haña bendishon serka Yehova,

sí, Dios, nan Salbador, lo konsiderá nan hustu.*

 6 Esei ta e hendenan* ku ta buska Dios,

esnan ku ta buska bo aprobashon,* o Dios di Yákòb. (Sela)

 7 Portanan, bira mas haltu!

Entradanan antiguo, habri mas hanchu*

pa e Rei glorioso por drenta!

Ta Yehova; e ta fuerte i poderoso.

Ta Yehova; e ta un guerero poderoso.

 9 Portanan, bira mas haltu!

Entradanan antiguo, habri mas hanchu

pa e Rei glorioso por drenta!