Salmo
Na e direktor musikal. Ku kompañamentu di instrumènt di kuèrdè. Un salmo di David.
61 O Dios, tende mi gritu pa yudansa.
Skucha mi orashon.
2 For di e partinan di mas leu di tera, lo mi sklama na bo
ora mi ta sinti mi desesperá.*
Hiba mi na un baranka haltu.
3 Bo ta mi refugio,
un toren fuerte ku ta protehá mi kontra enemigu.
4 Lo mi keda serka bo* den bo tènt pa semper.
Lo mi buska refugio bou di bo alanan. (Sela)
5 Abo, o Dios, a tende mi promesanan solèm.
Bo a duna mi e herensia ku bo ta duna hende ku tin rèspèt profundo pa* bo nòmber.
6 Lo bo prolongá bida* di rei,
i lo e biba hopi aña.
7 Rei lo sinta riba trono* pa semper den presensia di Dios.
Laga bo amor leal i bo fieldat proteh’é.