Bin Scucha E Discurso Publico Gratis “E Unico Caminda cu Ta Hiba na Bida Eterno”

Casi 20 aña pasá, Dr. Alvin Silverstein a skirbi den su buki Conquest of Death (Victoria Riba Morto): “Nos lo desenredá e esencia di bida. Nos lo comprendé . . . con un hende ta bira bieu.” El a bai asina leu di predicí: “Lo no tin hende ‘bieu’ mas, pasobra ora nos sa con pa conkistá morto, nos lo logra tambe keda hóben pa semper.”

Mas recientemente, un artículo den The New York Times Magazine di 28 di september 1997, a contené un reportahe riba e optimismo di “extension di bida” cu un cantidad di hende cu ta vigilá nan salú tin. Nan ta entusiasmá tocante loke e tecnologia djawendia lo por logra. “Mi ta ègt kere cu nos por ta e promé generacion cu ta biba pa semper,” un fanático a bisa. Nan a bisa di un otro cu e tin “shen porciento sigur . . . cu a lo largu, técnicanan di aumento genético lo bira disponibel pa salba [e generacion aki] dor di pone un paro na e proceso di bira bieu, i kisas asta boltu e.” Un optimismo asina ta sorprendé bo?

Abo ta kere cu hende lo conkistá morto cu su tecnologia? Of tin un otro manera pa biba pa semper? Miyones di hende rond mundu ta convencí cu di berdad bida eterno por ser realisá. Haña sa con, dor di aceptá e invitacion pa tende e discurso emocionante “E Unico Caminda cu Ta Hiba na Bida Eterno,” cu lo ser duná na e Congreso di Distrito “Dios Su Caminda di Bida” di Testigonan di Jehova. Lo bo por scuch’é na un sitio cerca di bo cas, ya cu, cuminsando e luna aki, lo e ser duná na cientos di congreso na tur parti di mundu.

Tuma contacto cu Testigonan di Jehova den bo área of skirbi e publicadónan dje revista aki i puntra nan pa e sitio di congreso mas cerca di bo.