Tabaco Ta Menasá India Cu China

DJE CORESPONSAL DI SPIERTA! NA INDIA

MIENTRAS cu den mundu Occidental ta bini mas restriccion riba propaganda di tabaco, i educacion tocante e peligernan pa salú di huma sigaria ta plama, e companianan gigante di tabaco a fiha nan atencion riba Oriente pa bende nan productonan. Estudionan financiá dor dje Banco Mundial ta pronosticá cu pa aña 2010 na China, morto causá dor di tabaco lo por yega na un miyon anualmente. E revista British Medical Journal a declará cu 100 miyon chines bou di 29 aña lo muri como resultado di humamentu.

E Organisacion Mundial di Salú ta proyectá cu huntu cu China, India—cu su poblacion di casi un mil miyon hende—ta den fila pa haña “e aumento mas grandi i mas haltu den malesa relacioná cu tabaco.” Informenan ta bisa cu rond di 20 miyon mucha ta cuminsá huma tur aña einan. Un homber di Sur India tabata huma sinfin pa hopi aña. El a skirbi e publicadónan di Spierta! como aprecio pa un artículo den e revista cu a yud’é stop di huma completamente. Tabata e artículo “Nos A Stop—Bo Tambe Por!” cu a sali den e edicion di 8 di december 1998.

Ki motibunan bo por duna pa stop di huma? Tin algun motibu cu ta pone bo para pensa i bo por haña nan na página 25 dje foyeto di 32 página titulá Kico Dios Ta Rekerí di Nos? Bo por bestel un ehemplar dor di yena e cupon abou i mand’é n’e adres riba e cupon of na un adres mas cumbiniente mencioná na página 5 dje revista aki.

□ Manda mi un ehemplar dje foyeto Kico Dios Ta Rekerí di Nos?

□ Por fabor, tuma contacto cu mi pa un studio di Bijbel grátis na cas.