Kantika 33
No Tene Miedu di Nan!
1. O mi pueblo, bai dilanti
den trabou di prediká.
Avansá sin kobardiá;
laga tur bon hende sa
ku mi Yu reinante, Kristu,
ya tin shelunan limpiá
i lo libra tur katibu
ora Diabel ser mará.
(REFREIN)
Mi stimá, no tene miedu
maske nan ta menasá.
Bo ta pòpchi di mi wowo;
serka mi bo ta kuidá.
2. Enemigunan ta hopi;
nan ta chèrcha, menasá,
asta purba engañá
ku sonrisa i papiá.
Ma no spanta, mi guerero,
maske bo ser ataká.
Lo mi protehá mi fielnan;
huntu nos lo triunfá.
(REFREIN)
Mi stimá, no tene miedu
maske nan ta menasá.
Bo ta pòpchi di mi wowo;
serka mi bo ta kuidá.
3. Mi ta bo eskudo i forsa;
no sinti bo abatí.
Si bo bida bai pèrdí,
morto lo mi abolí.
Nan por ataká bo kurpa,
ma bo alma ta kuidá.
Keda fiel; ku mi yudansa,
viktorioso lo bo ta!
(REFREIN)
Mi stimá, no tene miedu
maske nan ta menasá.
Bo ta pòpchi di mi wowo;
serka mi bo ta kuidá.
(Wak tambe Deu. 32:10; Neh. 4:14; Sal. 59:1; 83:2, 3.)