LÈS 7
Eksakto i Konvinsente
Lukas 1:3
RESÚMEN: Usa informashon konfiabel pa yuda bo oyentenan yega na e konklushon korekto.
KON PA LOGR’É:
Konsultá fuente konfiabel. Usa e Palabra di Dios komo base pa bo komentarionan, i si ta posibel lesa direktamente for di dje. Si bo ta referí na un echo sientífiko, un notisia, un eksperensia òf un otro informashon pa apoyá bo punto, hasi sigur ku bo fuente ta konfiabel i al dia.
Usa fuente di informashon na e manera korekto. Ora di splika un teksto bíbliko, tene kuenta ku su konteksto, e mensahe general di Beibel i e publikashonnan di “e esklabo fiel i prudente.” (Mat. 24:45) Usa e fuentenan ku no ta bíbliko di akuerdo ku nan konteksto i e intenshon di e eskritor.
Rasoná ku bo oyentenan riba e informashon. Despues ku bo lesa un teksto òf sita for di un fuente, hasi pregunta ku takto òf duna un ehèmpel pa yuda bo oyentenan saka nan propio konklushon.