LÈS 4

Bon Introdukshon pa Teksto Bíbliko

Mateo 22:41-45

RESÚMEN: Prepará mente di bo oyentenan promé ku bo lesa un teksto bíbliko.

Pensa riba e motibu pakiko bo ke lesa e teksto. Introdusí kada teksto na un manera ku ta yuda bo oyentenan mira e punto prinsipal ku bo ke destaká den e versíkulo.

Tene kuenta ku e konteksto. Hasi sigur di menshoná e nòmber korekto di e persona ku ta papia den e versíkulo òf di e eskritor di e buki di Beibel.
Sita Beibel komo outoridat. Ora bo ta papia ku hende ku ta kere den Dios, hala nan atenshon na Beibel komo e Palabra di Dios. Asina bo ta mustra ku Beibel ta e mihó fuente di sabiduria.
Lanta interes den e teksto bíbliko. Hasi un pregunta ku e teksto lo kontestá, presentá un problema ku e teksto lo yuda solushoná òf menshoná un prinsipio ku e relato di Beibel ta ilustrá.

Tene kuenta ku loke bo oyentenan sa kaba tokante e tema i e teksto bíbliko. Introdusí asta un teksto bon konosí na un manera ku ta atraé hende pa bolbe pensa riba dje òf pa analis’é for di un otro ángulo.