LÈS 25

Kiko Ta Dios Su Propósito pa Nos?

Edishon Imprimí

Beibel ta bisa ku “hende tin un bida kòrtiku i yen di problema.” (Yòb 14:1) Esaki ta e bida ku Dios ke pa nos tin? Si no ta asina, e ora ei, kiko ta Dios su propósito pa nos? Su propósito lo kumpli un dia? Ban wak kon Beibel ta kontestá e preguntanan ei.

1. Kon Yehova ke pa nos bida ta?

Yehova ke lo mihó pa nos. Ora el a krea e promé hendenan, Ádam ku Eva, el a pone nan den un bunita paradeis, hòfi di Éden. Despues, “Dios a bendishoná nan, i Dios a bisa nan: ‘Haña yu i bira hopi; yena tera i domin’é.’” (Génesis 1:28) Yehova tabata ke pa nan haña yu, hasi henter tera un paradeis i kuida e bestianan. Dios su propósito tabata pa hende biba pa semper i ku salú perfekto.

Aunke ku esei no a tuma lugá,a Dios su propósito no a kambia. (Isaías 46:10, 11) Ainda e ke pa hende obediente biba pa semper riba tera den kondishon perfekto.—Lesa Revelashon 21:3, 4.

2. Kon nos bida por tin propósito for di awor?

Yehova a krea nos ku un “nesesidat spiritual,” esta, un deseo pa konos’é i ador’é. (Lesa Mateo 5:3-6.) E ke pa nos tin un amistat será kuné, “kana den tur su kamindanan,” “stim’é” i sirbié “ku henter [nos] kurason.” (Deuteronomio 10:12; Santiago 2:23) Si nos hasi esei, nos lo ta realmente felis apesar di nos problemanan. Ora nos ta adorá Yehova, nos ta sinti ku nos bida tin berdadero propósito.

KIKO MAS NOS POR SIÑA?

Wak kuantu amor Yehova a mustra ora el a prepará tera pa nos i loke su Palabra ta siña nos tokante e propósito di bida.

Ádam ku Eva ta mira e bunita paradeis kaminda nan ta biba ku ta yen di mata i bestia.

3. Yehova ke pa hende tin un bida maravioso

Pasa e VIDIO. Despues, analisá e siguiente pregunta:

VIDIO: Dikon Dios A Krea Tera?—Fragmento (1:41)

Dikon Dios a krea nos bunita planeta Tera?

Lesa Eklesiástes 3:11. Despues, analisá e siguiente pregunta:

Kiko e teksto ei ta siña bo tokante Yehova su propósito pa nos?

4. Yehova su propósito no a kambia

Lesa Salmo 37:11, 29 i Isaías 55:11. Despues, analisá e siguiente pregunta:

Kon nos por sa ku Yehova su propósito pa nos no a kambia?

A. Un kas den mal estado. E dak i e bentananan ta kibrá i e kurá ta yen di sushi. — Mayoria di hende no a kuida tera. Pero, meskos ku hende por restorá un kas den mal estado, Dios lo restorá tera pa su sirbidónan

B. E mesun kas, ku awor ta restorá, ta bunita i tin un nèchi hardin. — Mayoria di hende no a kuida tera. Pero, meskos ku hende por restorá un kas den mal estado, Dios lo restorá tera pa su sirbidónan

5. Ora nos ta adorá Yehova, nos ta sinti ku nos bida tin berdadero propósito

Ora nos sa e propósito di bida, esei por hasi nos felis. Pasa e VIDIO. Despues, analisá e siguiente pregunta:

VIDIO: Mi A Haña Sa e Propósito di Bida (5:03)

Ora Terumi a haña sa kiko ta e propósito di bida, kon esei a yud’é?

Lesa Eklesiástes 12:13. Despues, analisá e siguiente pregunta:

Kon nos por mustra Yehova ku nos ta gradisidu pa tur loke el a hasi pa nos?

SI UN HENDE PUNTRA: “Kiko ta e propósito di bida?”

Kon lo bo kontestá?

RESÚMEN

Yehova ke pa nos biba pa semper riba tera den kondishon perfekto. Si nos sirbi Yehova ku henter nos kurason, nos bida lo tin berdadero propósito for di awor.