“Ta e Obra di Jehova”

Esei tabata e título di un artículo den e corant El Norte di Ciudad Monterrey, México. E artículo tabata tocante un Salon di Asamblea nobo di Testigonan di Jehova.

Monterrey ta un stad cu un poblacion di 2.300.000 habitante (incluyendo su áreanan metropolitano) den e parti nort di México, i e tin 19.200 publicador di Reino. Pa mas o ménos un aña i mei, e Testigonan a uni nan esfuersonan pa construí un Salon di Asamblea bunita i práctico cu 3.000 asiento comfortabel i airecondicioná. E Testigonan local a alegrá ora un miembro dje Cuerpo Gobernante di Testigonan di Jehova a duna e discurso di dedicacion. E programa a incluí un historia breve dje obra na Monterrey, i tabatin entrevista cu esnan cu a participá den e construccion. Despues e 4.500 personanan cu a asistí n’e reunion a disfrutá dje discurso di dedicacion.

Esaki ta e di tres dje Salon di Asamblea recien cu a ser construí na México den loke a ser describí como un campaña pa “Mas Tantu Salonnan di Reino i di Asamblea, Mas Grandi i Mas Mihó.”

Cu mas di 443.000 publicador na México i cu un asistencia di 1.492.500 persona n’e Memorial na 1995, Salonnan di Asamblea nobo, manera esun na Monterrey, siguramente lo sirbi e propósito divino.