‘Nan Ta Pega na Nan Entrenamentu Religioso’

UN SEÑORA di Miami, Flórida, Merca, a manda e siguiente carta pa un corant local: “Dia 10 di december nan a horta mi yu homber su potmoni na un marshe di pruga. E tabata contené su rijbewijs, tarheta di seguro social, etc., i tambe $260.

“Despues cu el a informá e gerente dje pérdida, el a bini cas. Trempan parti anochi el a ricibí un yamada di telefon for di un señora cu ta papia spañó kende, cu un operadora di [telefon] actuando como intérprete, a bis’é cu el a haña su potmoni.

“E señora a dun’é su adres. . . . El a dun’é e potmoni, cua tabata intacto, incluyendo e $260.

“E señora a mira e ladron horta su potmoni i a dal un gritu. E ladron a tira e potmoni abou i a core bai. Ya e ora ei mi yu a disparcé for di su bista, p’esei el a bai cas cu e potmoni i yama.

“E señora i su famia ta Testigonan di Jehova. Nan claramente ta pega na nan entrenamentu religioso.”

Testigonan di Jehova no ta desplegá onestidad pa por ricibí elogio for di hende. (Efesionan 6:7) Mas bien, cu empeño nan ta deseá di trece aIabansa na nan Tata celestial, Jehova. (1 Corintionan 10:31) Nan amor pa Dios i pa próhimo ta impulsá nan pa proclamá e “bon nobo” tocante e Reino di Dios. (Mateo 24:14) Pa medio dje Reino, Dios ta priminití di transformá e tera den un bunita paradijs. E ora ei e tera lo ta un lugá no solamente di bunitesa físico sino tambe di exceIencia moral unda onestidad lo prevalecé pa semper.—Hebreonan 13:18; 2 Pedro 3:13.