Studia Bijbel Ta Algu pa Bo?

“NO MESTER les’é si no tin un pastor presente.” E spiertamentu aki ta aparecé na principio di algun Bijbel cu católiconan tin. Segun Kay Murdy di Instituto Católico di Bijbel na Los Angeles: “Como católico no ta semper nos tabatin acceso na Bijbel, pero esei ta cambiando.” E ta remarcá cu una bes católiconan a ripará cuantu efecto e Santu Scritura por tin den nan bida, “nan a desaroyá nan propio hamber i sed pa Bijbel.”

Relacioná cu e cambio aki, e revista U.S. Catholic ta cita un coordinadó di educacion religioso cu a bisa cu católiconan cu a tuma parti na lesnan di Bijbel a sinti cu “como católico nan a ser privá, i cu Bijbel ta contené hopi rikesa. Nan kier gana algu di e rikesa ei cu nan a perde.”

Sea cual sea e caso, ki “rikesa” tin pa un studiante di Bijbel descubrí? Considerá lo siguiente: Lo bo kier sa con pa trata cu ansiedadnan di bida diario? Con bo por mantené pas den e círculo di famia? Di con tin asina hopi hende brutu i antisocial? Kico ta e causa di violencia entre hóbennan djawe? Contesta confiabel pa e preguntanan aki i pa otro preguntanan difícil por ser hañá den e Palabra di Dios, Bijbel. I nan lo ta un “rikesa” en berdad, no solamente pa católico of protestant, sino tambe pa budista, hindú, moslim, sintoista, asta pa ateista i agnóstico. Manera e salmista a expres’é, ‘Dios su palabra tabata un lampi pa su pia, i un lus pa su caminda.’ E por ta asina pa bo tambe.—Salmo 119:105.