ARTÍKULONAN DI ESTUDIO

Artíkulonan di Estudio

▪ ‘Nada No Ta Trompeká’ Hende Ku Ta Stima Yehova

Tur kristian ta den un kareda pa bida eterno. Pero komo ku nos ta imperfekto, nos tur ta trompeká. E artíkulo akí lo trata sinku kos ku por pone nos trompeká. Lo e mustra tambe kon nos por evitá ku e kosnan akí ta stroba nos di gana e kareda.

▪ Bo Tin “un Kurason pa Konosé” Yehova?

E buki di Yeremías ta siña nos hopi kos tokante e kurason figurativo. E artíkulo akí ta splika kiko ta un ‘kurason insirkunsidá’ i dikon un kurason asina por ta un peliger asta pa un kristian. Nos lo mira tambe kon nos por haña “un kurason pa konosé” Yehova.—Yer. 9:26; 24:7.

▪ Awor Ku Nos “A Siña Konosé Dios,” Kiko Nos Tin ku Hasi?

Ki pasonan nos mester dal pa siña konosé Dios i bira konosí p’e? Pakiko nos mester sigui hasi progreso, asta si nos ta spiritualmente maduro? I kon nos por hasi esei? E artíkulo akí lo kontestá e preguntanan ei.

▪ Yehova Ta Nos Refugio

Nos ta biba den un mundu ku ta odia nos, pero nos no tin nodi di tene miedu. E artíkulo akí ta mustra nos ku Yehova, nos Dios, ta e refugio di mas safe ku tin.

▪ Onra Yehova Su Gran Nòmber

Nos ta parti di e pueblo ku ta karga e nòmber di Dios. Kiko esei ta enserá? Kiko kana den e nòmber di Dios ta nifiká? I kon Dios ta konsiderá hende ku no ta respetá su nòmber? E artíkulo akí ta kontestá e preguntanan ei.