Anuncionan

◼ Oferta di literatura pa april i mei: Abonament riba tantu E Toren di Vigilancia como Spierta! Pa teritorionan cu ta ser cubrí frecuentemente, por ofrecé cualkier foyeto (cu excepcion dje foyetonan Educacion i Escuela). Sea alerto pa haci esfuersonan special pa ofrecé abonament na bo rebishitanan. Juni: Conocimentu cu Ta Hiba na Bida Eterno. Juli i augustus: Por ofrecé cualkier un dje siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, “Mira! mi ta traha tur cos nobo,” Ora un Persona Stimá Muri, i ¿Qué propósito tiene la vida? ¿Cómo descubrirlo? Caminda ta apropiado, por ofrecé foyetonan manera Hamas Lo Yega di Tin un Mundu Sin Guera?, Our Problems​—Who Will Help Us Solve Them?, i Spiritu dje mortonan​—⁠Nan por yudá bo of hací bo daño? Nan realmente ta existí? NOTA: Congregacionnan cu ainda no a haci pedido pa e artículonan di campaña mencioná ariba mester haci esei riba nan siguiente Formulario di Pedido di Literatura Mensual (S-14).

◼ Caminda ta práctico, segun cu ta bira scur mas lat, ancianonan mester haci areglo pa e congregacion dedicá mas tempu den testificacion di anochi.

◼ Cuminsando na april, ‘badgenan’ pa congreso di districto di 1996 na hulandes, ingles, papiamento, i spañó, lo ser incluí automáticamente cu e cargamentu di literatura. Lo no ta necesario pa haci pedido pa esakinan. Basá riba e tamaño di cada congregacion, lo manda e ‘badgenan’ den paki di 25. Si e congregacion tin mester di mas ‘badge’ mester haci pedido pa esaki riba un Formulario di Pedido di Literatura (S-14). Ta necesario pa haci pedido pa e plestiknan pa ‘badge’ pa esnan den congregacion cu ta deseá nan.

◼ Un ahuste ta ser hací den e procedura pa reemplasá karchinan di Identificacion di Sirbishi di Pionero. Di awor padilanti, karchinan di reemplaso pa pioneronan cu muda, cambia nan nomber, perde nan karchi, of haci peticion pa un cambio di asignacion lo ser suministrá dor dje Sociedad. Mester deshací di cualkier karchi di identificacion di pionero no-usá cu e secretario por tin den archivo. Cambionan di nomber i reasignacionnan lo ser tratá den e manera normal, cu e secretario notando e informacion apropiado parti patras dje Raport di Congregacion (S-1) di e luna ei. Despues di esei, e Sociedad lo manda pa e congregacion e karchinan nobo pa e pioneronan. Esakinan generalmente lo bini huntu cu e estado di cuenta mensual. Cualkier cambio relacioná cu informacion necesario tocante e pioneronan mester ser mandá na Sociedad un bes di manera cu nos archivonan por ser mantené exacto i al dia. Tambe, ora un pionero stop di traha como tal of ta ser bahá for dje lista di pionero, un copia dje formulario S-206 mester ser yená i mandá pa Sociedad sin tardansa.

◼ Tur pregunta relacioná cu fecha i sitio di congresonan di districto den otro paisnan mester ser dirigí na e respectivo oficinanan di sucursal. Adresnan di oficinanan di sucursal rond mundu ta ser hañá riba e último página dje Anuario.

◼ Actualmente na stock na sucursal di Curaçao:

Volúmen di Spierta! 1994 ​—⁠spañó

◼ Edicionnan na Braille di E Toren di Vigilancia ta disponibel awor na koreano i portugues.