Caha Di Pregunta

◼ Cua ta e uso corecto dje término “ruman”?

Ora e ta ser usá den un sentido literal, e término “ruman” ta referí na individuonan cu tin e mésun mayornan. E relacion natural aki generalmente ta crea un vínculo caluroso, i e intimidad cu e personanan aki ta experenciá ta ser profundisá mas ainda dor di compartí ambiente, lasonan social i emocional cu otro.

Jesus a siña su disipelnan pa dirigí nan mes na Jehova den oracion como “Nos Tata.” E uso di e expresion ei ta implicá cu como cristiannan, nos tur ta parti di un círculo íntimo di famia, caminda nos ta disfrutá di un relacion spiritual ricu. Esaki a ser enfatisá mas ainda dor di Jesus ora el a bisa su siguidornan cu “boso tur ta ruman.”​—Mat. 6:9; 23:⁠8.

Debí na nos lasonan spiritual estrecho dentro di e cas di Dios, nos ta dirigí nos mes un na otro como “Ruman,” particularmente na reunionnan di congregacion. Durante e ocasionnan spiritual aki, esun cu ta presidiendo riba e reunion ta reconocé personanan bautisá dor di usa e expresion “ruman” siguí pa e fam dje persona na ken e ta dirigí su mes.

Ki tal si un persona no-bautisá ta deseá na participá den e reunionnan? Ora un persona ta asociando cu e pueblo di Jehova pa algun tempu i ta acercando dedicacion, considerando su mes di ta un Testigo di Jehova, lo no tin nada contra pa bisa “Ruman” promé cu su fam. Specialmente esaki ta cierto si e persona a bira un publicador no-bautisá.

Na otro un banda, personanan interesá cu djis recientemente a cuminsá asistí na nos reunionnan ainda no a dal e pasonan cu lo identificá nan como parti dje cas di Dios. E personanan aki lo no ser yamá “Ruman,” ya cu e relacion spiritual cu e famia di Dios no ta existí den nan caso. Pues durante e reunionnan, nos lo dirigí nos na nan mas formalmente, usando un título apropiado manera “Sr.” huntu cu nan fam.

Usando e expresion “ruman” na nos reunionnan di congregacion ta indicá un laso cu ta hopi mas íntimo i mas precioso cu cualkier laso indicá dor di usa e promé nomber. Esei ta recordá nos di e relacion masha bendicioná cu nos ta disfrutá di dje como un famia spiritual bou di e solo Tata, Jehova Dios. Tambe nos ta ser recordá dje amor i cariño profundo cu nos tin un pa otro.​—⁠Efe. 2:19; 1 Ped. 3:⁠8.