Reunionnan Di Sirbishi Pa Juni
NOTA: Nos Ministerio di Reino lo programá un Reunion di Sirbishi pa cada siman durante lunanan di juni i juli. Congregacionnan por haci ahustenan segun ta necesario pa permití asistencia n’e Congreso di Districto “Mensaheronan di Pas Divino” i tambe pa un repaso di 30 minuut dje puntonan sobresaliente dje congreso, su siguiente siman den e Reunion di Sirbishi. E repaso di cada dia dje programa di congreso di districto mester ser asigná di antemano na dos of tres ruman homber cualificá kendenan lo por enfocá riba puntonan sobresaliente. E repaso bon-prepará aki lo yuda e congregacion corda puntonan clave pa aplicacion personal i pa uso den veld. Comentarionan for dje auditorio i experencianan relatá mester ta breve i al caso.
Siman di 3 di Juni
Cantica 181
10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi mensual di tantu e pais (e 3 islanan ABC na pág. 7) como dje congregacion local.
15 min: “Imitá Nan Fe.” Pregunta i contesta. Repasá evidencianan di fe, cu ta ser tratá den e cuadro na página 13 di La Atalaya di 15 di september, 1991. Entrevistá un of dos publicador pa haña sa kico a yuda nan keda regular den actividad di Reino pa hopi aña.
20 min: “Plamando e Conocimentu cu Ta Hiba na Bida Eterno.” (§1-3) Considerá §1. (Incluí comentarionan for di Toren di Vigilancia di 15 di januari, 1996, página 12-13, §11-12.) Splica cu e estilo nobo dje último página di Nos Ministerio di Reino ta diseñá pa yuda nos ta mihó prepará pa haci rebishita. Ya cu hopi bes ta sabí pa haci e rebishita dentro di un of dos dia, en bes di spera mas largu, nos lo considerá presentacionnan cu ta ser sugerí pa tantu e bishita di cas-pa-cas como pa e rebishita durante e mésun Reunion di Sirbishi. Brevemente repasá §2 i 3, siguí pa un demostracion di cada un. E promé presentacion mester incluí mencion dje contribucion. E sobrá presentacionnan den e artículo lo ser tratá den e dos siguiente Reunionnan di Sirbishi.
Cantica 143 i oracion di conclusion.
Siman di 10 di Juni
Cantica 63
7 min: Anuncionan local. Informe di cuenta.
8 min: Entrenando Yunan den Sirbishi di Veld. Un discurso na encargo di un anciano. For di un edad trempan, nos yunan mester ta activo cu nos den sirbishi. E entrenamentu i experencia cu nan ta adkerí lo percurá un base fuerte pa nan fe i celo den añanan despues. Ta importante pa nan comprendé e necesidad di tuma e ministerio na serio i comportá nan mes apropiadamente. Muchanan mester evitá comportacion di bochincha; sirbishi no ta ora pa hunga. Ta mihó pa nan traha cu hende grandi. Mester yuda nan tene parti den duna presentacionnan segun nan abilidad. (Mira La Atalaya di 1 di augustus, 1988, página 15, §20.) Mayornan ta responsabel pa percurá supervision; nan no mester manda nan yunan na reunionnan pa sirbishi sin un persona mas grandi pa supervisá nan. Encomendá e muchanan ora nan ta comportá nan mes bon.
10 min: “Plamando e Conocimentu cu Ta Hiba na Bida Eterno.” (§4-5) Despues di un introduccion breve, demostrá e presentacionnan pa e bishita inicial i e rebishita di §4 i 5. Animá e publicadornan pa haci rebishita unbes caminda nan a laga e buki Conocimentu.
20 min: “Con pa Haci Disipel cu e Buki Conocimentu.” Haci comentarionan di introduccion breve basá riba §1-2. Abarcá §3-11 cu pregunta i contesta. Splica cu e resto dje suplemento lo ser considerá den Reunionnan di Sirbishi den luna di juli i augustus. Animá tur presente pa ward’é bon.
Cantica 92 i oracion di conclusion.
Siman di 17 di Juni
Cantica 157
10 min: Anuncionan local. Caha di Pregunta.
15 min: “Combersacion Amigabel Por Yega n’e Curason.” Pregunta i contesta. Invitá un of dos publicador pa relatá experencianan animador cu ta mustra con nan a haña bon reaccion usando un introduccion amigabel.
20 min: “Plamando e Conocimentu cu Ta Hiba na Bida Eterno.” (§6-7) Enfatisá metanan ora di haci un rebishita: Cultivá interes, cuminsá un studio, haci areglonan specífico pa bolbe. Despues di brevemente repasá e presentacionnan den §6 i 7, tene un demostracion di cada un, mustrando con pa cuminsá un studio. Lesa §17 na página 14 den e Toren di Vigilancia di 15 di januari, 1996.
Cantica 211 i oracion di conclusion.
Siman di 24 di Juni
Cantica 6
10 min: Anuncionan local. Mencioná areglonan special pa sirbishi di veld pa 2 di juli, caminda e ta un dia di fiesta.
15 min: Necesidadnan local. (Of duna un discurso “Manehando e Palabra dje Berdad Corectamente,” basá riba e Toren di Vigilancia di 1 di januari, 1996, página 29-31.)
20 min: “Yuda Nan Bira Activo Atrobe.” Discurso i consideracion na encargo di un anciano. Sugerí e rumannan pa usa e artículo den La Atalaya di 1 di augustus, 1992, “Bolbe Cerca Mi, i Lo Mi Bolbe Cerca Boso” pa animá esnan inactivo. Mencioná algun dje puntonan principal.
Cantica 71 i oracion di conclusion.