Reunionnan Di Sirbishi Pa Augustus

Siman di 5 di Augustus

Cantica 56

10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di luna di april di tantu e tres islanan ABC como dje congregacion local. Considerá tambe e cuadro “April Tabata Sobresaliente,” na página 7.

20 min: “No Tin Cuenta di Stop di Declará e Bon Nobo.” Discurso i consideracion cu auditorio. Incluí extractonan for di Perspicacia para comprender las Escrituras, Volúmen 2, página 695, §5 [it-2-E, pág. 673, §1].

15 min: “Proclamá e Bon Nobo di Reino cu Foyetonan.” (§1-5) Usa e promé paragraf pa un discurso di introduccion. Comentá positivamente riba e bentahanan di usa e foyetonan Bida riba tera i “Mira!” den e ministerio. Haci areglo pa tene cuater demostracion bon ensayá, cu ta mustra con por manehá e bishitanan inicial i e rebishitanan cu e foyetonan aki. Laga un publicador yong, cu yudansa di su mayor, demostrá e presentacionnan cu e foyeto Bida riba tera. Publicadornan kisas ta deseá na haci nan presentacionnan di otro foyetonan segun e patronchi di esnan cu ta ser sugerí aki.

Cantica 136 i oracion di conclusion.

Siman di 12 di Augustus

Cantica 192

15 min: Anuncionan local. Informe di cuenta. Incluí comentarionan positivo tocante “Manera pa Compartí,” den E Toren di Vigilancia di 1 di december, 1993, página 29-31.

15 min: “Proclamá e Bon Nobo di Reino cu Foyetonan.” (§6-8) Duna un repaso breve dje contenido dje foyeto Gobierno. Demostrá e presentacionnan sugerí pa e bishita inicial i pa e rebishita. Animá tur publicador pa rebishitá e personanan cu a tuma foyeto.

15 min: “Contribucionnan n’e Sociedad Su Trabou Mundial Ta Apoyá Expansion.” Discurso entusiasmá na encargo di un anciano. Incluí algun cifra cu ta mustra e progreso dje trabou di Reino den algun dje paisnan cu ta ser mencioná, manera e Anuario ta informá.

Cantica 9 i oracion di conclusion.

Siman di 19 di Augustus

Cantica 174

10 min: Anuncionan local. Repasá Caha di Pregunta.

15 min: “Ken Ta Cualificá pa Predicá?” Un anciano ta considerá e artículo huntu cu dos of tres publicador. Enfatisá cu nos ta ricibiendo e mihó entrenamentu cu tin disponibel, ekipando nos plenamente como ministernan di Dios. Nos no tin ningun motibu pa sinti nos mes inadecuá pa predicá.

20 min: “Con pa Haci Disipel cu e Buki Conocimentu.” Consideracion cu auditorio di §17-26 dje suplemento di Nos Ministerio di Reino di juni 1996. Haci areglo di antemano pa incluí experencianan local di esnan cu ta conduciendo studionan den e buki Conocimentu. Nan por duna comentarionan positivo tocante con nan a aplicá e sugerencianan hañá den e suplemento i con nan a ser yudá pa conducí un studio di Bijbel mas progresivo. Animá tur ruman pa warda e suplemento i repas’é personalmente ki ora cu nan cuminsá un studio nobo.

Cantica 189 i oracion di conclusion.

Siman di 26 di Augustus

Cantica 104

10 min: Anuncionan local. Repasá “Programa Nobo di Dia Special di Asamblea.” Anunciá areglonan pa sirbishi di veld den fin di siman.

20 min: Mustra un Interes den Bo Yu Su Educacion. Discurso na encargo di un anciano. Repasá informacion den e foyeto Testigonan di Jehova i Educacion, página 2-5, mustrando pakico nos ta apreciá e entrenamentu útil cu scol ta duna. Considerá con pa splica cu tacto na maestronan di scol e motibu pakico nos ta mantené metanan spiritual en bes di metanan seglar como mas importante. Incluí puntonan for di “Conclusion,” na página 31. Animá mayornan pa aplicá e sugerencianan duná den e ¡Despertad! di 8 di september, 1988, página 11.

15 min: Repasá Oferta di Literatura pa September. Nos lo usa e buki La vida... ¿cómo se presentó aquí? ¿Por evolución, o por creación? Ilustrá e versatilidad dje publicacion aki. Capítulonan 1-15 ta analisá cabalmente e controversia tocante con bida a yega aki; capítulo 16 ta trata un pregunta universalmente confundidor, “Pakico Dios A Permití Sufrimentu?”; capítulo 17-18 ta desaroyá fe den Bijbel como e Buki di Dios, inspirá i digno di confiansa; capítulo 19-20 ta resaltá e bon nobo di Reino tocante bida riba tera den Paradijs i ta splica con pa logr’é. Laga un publicador capacitá usa un dje ángulonan aki pa demostrá un presentacion breve dje buki Creación. Si e congregacion ainda tin copianan dje buki Logrando felicidad den bida di famía of Bo por biba pa semper den Paradijs riba tera na stock, por ofrecé esakinan.

Cantica 113 i oracion di conclusion.