Anuncionan

◼ Oferta di literatura pa mart: E Secreto pa Felicidad den Famia. April i Mei: Abonament riba E Toren di Vigilancia i Spierta! Pa sirbishi den siman i den teritorionan cu ta ser cubrí cu frecuencia, por usa e foyeto Kico Dios Ta Rekerí di Nos? Juni: Conocimentu cu Ta Hiba na Bida Eterno. Concentrá riba cuminsá studionan di Bijbel na cas.

◼ E superintendente presidente of un ruman asigná p’e mester controlá e cuentanan di congregacion dia 1 di mart of mas pronto posibel despues di esei. Haci un anuncio n’e congregacion ora a haci esaki.

◼ E discurso público special p’e temporada di Memorial e aña aki lo ser presentá den mayoria congregacion riba diadomingo, 6 di april. E discurso ta titulá, “Keda Limpi di Contaminacion dje Mundu.” Nos tur mester asistí, i nos mester yuda personanan interesá cu a bini Memorial pa ta presente p’e discurso. Loke nos tende siguramente lo renobá nos determinacion pa agradá Dios.

◼ Afin di saca lo máximo for di studionan di congregacion for dje buki Homber mas importante, por fabor, considerá e instruccionnan excelente cu ta aparecé na página 1 di Nos Ministerio di Reino di september 1992. E artículo ta splica con pa prepará cada les i e estilo cu e Studio di Buki di Congregacion lo sigui. Conductornan di studio i tur esnan cu ta asistí lo beneficiá si nan repasá e informacion aki.

◼ Den tur comunidad, na vários ocasion durante e aña, tin dianan di fiesta mundano pa cua muchanan ta haña liber di scol i cu ta duna dia liber for di trabou seglar. Esakinan ta duna oportunidadnan excelente pa e congregacion aumentá su participacion den e ministerio di veld. E ancianonan mester anticipá ki ora e ocasionnan aki lo presentá i notificá e congregacion hopi tempu di antemano dje areglonan cu ta ser hací pa testificacion den grupo durante periodonan di dia di fiesta.