Purba Alcansá e Casá No-Testigo
1 Parehanan casá cu ta uní den adoracion berdadero ta un motibu di gran goso. Sin embargo, den hopi famia un casá so a aceptá e caminda dje berdad. Con nos por purba alcansá e casá cu no ta Testigo i anim’é pa adorá Jehova huntu cu nos?—1 Tim. 2:1-4.
2 Comprendé Nan Manera di Pensa: Tal bes por tin algun casá no-Testigo cu ta opositor, pero mayoria bes e problema ta indiferencia of malcomprendimentu. Kisas un persona por sinti cu hende ta lagu’é afó of e por ta yalurs debí n’e interes spiritual cu su casá a caba di haña. Un esposo ta corda: “Ora mi tabata so na cas, mi tabata sintí mi bandoná.” Un otro ta bisa: “Mi tabata sinti como si fuera mi esposa i yunan tabata bai lagá mi.” Algun hende homber lo por pensa cu e religion ta kitando nan famia for di nan. (Mira e Atalaya di 15 di augustus, 1990, página 20-3.) Ta p’esei ta mihó, si ta posibel, pa for di cuminsamentu enbolbé e casá huntu cu e esposa den e areglo di studio di Bijbel na cas.
3 Traha Como Tim: Un pareha Testigo a traha huntu cu bon éxito yudando parehanan casá pa haña e berdad. Despues cu e ruman muher a habri un studio cu e esposa, e ruman homber tabata haci e esposo un bishita. Hopi bes e tabata por a cuminsá un studio cu e esposo.
4 Sea Amical i Hospitalario: Famianan den e congregacion por yuda dor di mustra interes den famianan cu ainda no ta uní den adoracion berdadero. Algun bishita amical lo por yuda e casá no-Testigo mira cu Testigonan di Jehova ta cristiannan caluroso i amoroso cu tin e bienestar di tur hende na pechu.
5 Tempu tempu, e ancianonan por repasá cua tabata e esfuersonan cu a haci recientemente pa purba alcansá casánan cu no ta Testigo i determiná kico mas lo por haci cu e speransa di gana nan pa Jehova.—1 Ped. 3:1, nota.