Reunionnan Di Sirbishi Pa Juli

Siman di 6 di Juli

Cantica 110

10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di mart dje tres islanan i dje congregacion local. Noticianan Teocrático.

15 min: “Ki Excelente Ta pa T’ei Semper Presente!” Pregunta i contesta. Incluí comentario for dje ¡Despertad! di 8 di juni 1988, página 19-21, pa animá hóbennan asistí na reunion regularmente.

20 min: “Nos Próhimo Tin cu Tende e Bon Nobo.” Haci areglo pa dos of tres publicadó capacitá repasá e sugerencianan con pa presentá un par dje foyetonan cu e congregacion tin na stock. Splica pakico nan por ta eficas den e teritorio local. Enfatisá e meta di cuminsá studio di Bijbel for dje foyeto Rekerí of e buki Conocimentu. Tene un demostracion dje bishita inicial, siguí pa un rebishita caminda ta ofrecé un studio.

Cantica 73 i oracion di conclusion.

Siman di 13 di Juli

Cantica 116

10 min: Anuncionan local. Informe di cuenta. Animá tur ruman pa pensa seriamente riba inscribí como pionero auxiliar durante augustus, un luna cu lo tin cincu fin di siman completo.

15 min: Necesidadnan local.

20 min: E Spiritu di Mundu Ta Venenando Bo? Discurso na encargo di un anciano basá riba E Toren di Vigilancia di 1 di october 1997, página 25-9.

Cantica 182 i oracion di conclusion.

Siman di 20 di Juli

Cantica 18

8 min: Anuncionan local. Repasá e cuadro titulá “2.200!”

12 min: “Un Bishita cu Por Ta un Bendicion.” Consideracion entre dos anciano. Splica e meta dje trabou di pastoreá manera e ta ser tratá den E Toren di Vigilancia di 15 di september 1993, página 20-3. Animá e congregacion calurosamente pa anticipá bishita dje ancianonan.

25 min: “Sirbishi di Pionero—Algu pa Bo?” (§1-14) Superintendente di sirbishi ta cuminsá cu comentarionan breve di introduccion, animando tur ruman pa pensa seriamente riba e trabou di pionero regular. Despues e ta considerá pregunta 1, incluso e comentarionan riba “Un Spiritu Entusiasmá di Pionero” den e Anuario 1998, página 104. Dos of tres miembro dje congregacion cu a yega di traha pionero ta djoin e riba plataforma pa considerá pregunta 2. Nan ta duna un punto di bista práctico i realístico dje manera cu ta posibel pa mantené bo mes miéntras bo ta traha pionero. Anto dos mayor ta djoin e grupo pa considerá pregunta 3. Nan ta duna motibunan positivo pakico hóbennan mester pensa seriamente riba un carera den e sirbishi di tempu completo. Animá tur presente pa asistí n’e Reunion di Sirbishi di otro siman, ora cu lo caba di considerá e resto dje preguntanan.

Cantica 80 i oracion di conclusion.

Siman di 27 di Juli

Cantica 155

15 min: Anuncionan local. Corda tur publicadó pa entregá nan raport di sirbishi di veld pa juli. Anunciá areglonan di sirbishi pa e promé fin di siman di augustus, i animá tur publicadó pa participá. Repasá “Programa Nobo di Asamblea di Circuito.”

30 min: “Sirbishi di Pionero—Algu pa Bo?” (§15-25) Discurso i consideracion na encargo di un anciano. Haci areglo di antemano pa e pioneronan i esnan cu a yega di traha pionero compartí expresionnan sincero como contesta riba pregunta 4-5. Nan ta enfatisá e necesidad di tin un bon orario i di pega na dje, dunando ehempel di orarionan di sirbishi semanal práctico i cu di berdad ta duna bon resultado. E anciano ta concluí cu un discurso animador cu ta contestá pregunta 6. Comienso dje aña di sirbishi dia 1 di september ta un bon tempu pa pioneronan nobo cuminsá nan sirbishi di tempu completo. Por haña papel di solicitud cerca cualkier dje miembronan dje Comité di Sirbishi di Congregacion.

Cantica 51 i oracion di conclusion.