Reunionnan Di Sirbishi Pa Juni

Siman di 7 di Juni

Cantica 45

10 min: Anuncionan local. Anuncionan selectá for di Nos Ministerio di Reino. Noticianan Teocrático.

15 min: “Jehova Ta Siña Nos.” Limitá comentario di introduccion na ménos cu un minuut, i sigui cu un consideracion mediante pregunta-i-contesta. Invitá auditorio pa mencioná algun dje beneficionan cu nan a ricibí dje Scol di Ministerio Teocrático, Scol di Sirbishi di Pionero, Scol di Ministerio di Reino, etcétera. Enfatisá con e scolnan aki a yuda Jehova su pueblo bira mas eficas den e ministerio.

20 min: “Usa Bo Tempu Bon.” Consideracion entre un conductor di Studio di Buki di Congregacion i un of dos publicadó experenciá, kendenan ta relatá con nan ta manehá nan tempu pa asina participá mas pleno posibel den e sirbishi di veld. Nan ta splica e importancia di un programa práctico i ta enfatisá cu ta necesario pa nos tin unu. Nan ta conta con nan ta evitá cosnan cu ta pone bo perde tempu, manera cuminsá lat, falta di bon planeamentu di antemano of muchu combersacion entre e rumannan durante e ministerio. Tumando circunstancianan local na cuenta, ofrecé sugerencianan práctico tocante con pa usa nos tempu bon.

Cantica 48 i oracion di conclusion.

Siman di 14 di Juni

Cantica 63

10 min: Anuncionan local. Informe di cuenta.

15 min: Necesidadnan local.

20 min: “Bo Por Duna un Man?” Consideracion cu auditorio na encargo di un anciano. Incluí sugerencianan presentá den e ¡Despertad! di 8 di october 1995, página 8-9, tocante con pa yuda mayornan soltero. Invitá algun ruman pa expresá nan aprecio p’e yudansa amoroso cu nan a ricibí for di otro rumannan den congregacion.

Cantica 53 i oracion di conclusion.

Siman di 21 di Juni

Cantica 72

10 min: Anuncionan local. Si e congregacion tin ehemplarnan dje buki Loke hovenan sa puntra of e buki Hubentud na stock, mustra con por usa nan bon den e ministerio durante e lunanan di vakansi, ora cu nos tin mas chens di topa tienernan na cas.

17 min: Haci Bon Uso dje Videonan i Dramanan Riba Caset. Nos lo por haci mihó uso dje 10 videonan i e 11 dramanan riba caset cu Sociedad a percurá? Abo i bo famia a wak of scucha nan tur? Repasá e vários títulonan, i indicá con nan por mehorá nos lesamentu di Bijbel, fortalecé nos spiritualidad i duna un excelente testimonio dje berdad. Toca porcionnan breve di dos of tres audiocaset. Puntra e auditorio cua video of drama riba caset nan a haña tabata masha eficas den animá nan mes famia of den dirigí esnan nobo na e organisacion. Relatá algun experencia cu ta mustra e bon resultadonan. (Mira e Anuario 1999, página 51-2.) Animá tur presente pa haci bon uso dje videonan i dramanan riba caset.

18 min: “Bo Ta Wak e Aparencia Exterior So?” Discurso i consideracion cu auditorio. Enfatisá e motibunan pakico nos no mester core forma un opinion di hendenan cu nos ta topa. Repasá brevemente e les cu Jehova a siña Jónas, kende a cometé e fout di husga esnan cu el a considerá indigno. (Mira E Toren di Vigilancia di 15 di augustus 1997, página 21-2, §17-19.) Invitá auditorio pa comentá riba e variedad di hende cu nan a topa den teritorio, i con nan ta mantené un actitud positivo pa cu nan i ta laga husgamentu den man di Jehova.

Cantica 77 i oracion di conclusion.

Siman di 28 di Juni

Cantica 85

12 min: Anuncionan local. Corda tur publicadó pa nan entregá raport di sirbishi di veld di juni. Repasá oferta di literatura pa juli. Mustra e foyetonan cu tin localmente na stock, i sugerí un of dos rasgo cu nos por resaltá den nos presentacionnan. Incluí un demostracion bon ensayá.

13 min: Pakico Jehova Ta Permití pa Su Pueblo Pasa den Persecucion? Discurso na encargo di un anciano, basá riba e buki Los testigos de Jehová, proclamadores del Reino de Dios, página 676-7. Manera Jesus a profetisá, nos ta ‘odiá pa tur nacion.’ (Mat. 24:9) Podisé nos ta enfrentá oposicion ora nos ta participá den e ministerio, ta asociá cu famianan mundano of ta trata cu hende no-Testigo na trabou of na scol. Den un manera positivo, e orador ta splica pakico Jehova ta permití tal persecucion of oposicion i con, si nos perseverá, a lo largu esei lo hiba na bendicionnan.

20 min: Bai Caminda e Hendenan Ta! Un discurso basá riba e Anuario 1997, página 42-8. Aunke nos mester sigui participá regularmente den duna testimonio di cas-pa-cas, nos ta busca ansiosamente pa haña oportunidadnan pa duna testimonio informal, tur ora, tur caminda. Relatá experencianan for dje Anuario cu ta mustra con otro rumannan a haci esei cu bon éxito miéntras nan tabata den bus, riba caya of na laman, a bai na autonan stacioná, na paradanan di truck, via telefon i carta. Segun tempu permití, invitá auditorio pa relatá algun experencia cu nan mes tabatin. Animá tur ruman pa probechá di tur oportunidad pa duna testimonio na unda cu e hendenan ta.

Cantica 75 i oracion di conclusion.