Reunionnan Di Sirbishi Pa Juli

Siman di 5 di Juli

Cantica 6

10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di mart dje tres islanan ABC i dje congregacion local. Noticianan Teocrático.

20 min: “Pidi Jehova Su Yudansa den Oracion.” Limitá comentarionan di introduccion na ménos cu un minuut, i sigui cu un consideracion mediante pregunta-i-contesta. Splica con vários tipo di oracion sincero ta hunga un papel vital den un ministerio exitoso. Invitá auditorio pa relatá experencianan cu ta mustra con oracion specífico a yuda nan den nan ministerio.—Mira E Toren di Vigilancia di 15 di october 1996, página 32.

15 min: Haci Bon Uso di Foyeto. Discurso cu demostracion. Splica di con foyetonan ta hermentnan balioso den nos ministerio. Nan ta trata eficasmente cu temanan cu ta atraé hopi hende, ta abarcá un tema básico, breve i al caso i ta splica siñansanan bíblico den un manera simpel. Mencioná e foyetonan cu ta oferta p’e luna aki, i mustra esnan cu e congregacion tin na stock. Demostrá dos of tres presentacion breve, basá riba sugerencianan cu bo ta haña den e Índice de publicaciones Watch Tower bou dje tema “Presentaciones.”

Cantica 181 i oracion di conclusion.

Siman di 12 di Juli

Cantica 103

10 min: Anuncionan local. Informe di cuenta.

15 min: “Preparacion di Antemano Ta Duna Goso.” Discurso cu entrevista. Splica di con ta esencial pa prepará pa actividad di sirbishi di veld, i con esei ta haci posibel pa nos haña mas goso den loke nos ta haci. (Mira Guía para la Escuela, página 39, §1-3.) Entrevistá dos of tres publicadó capacitá cu ta conta con nan ta prepará promé cu nan sali den sirbishi i con esei ta yuda nan. Relatá e experencia for di La Atalaya di 15 di april 1993, página 30, cu ta mustra uso eficas dje buki Razonamiento pa prepará p’e ministerio.

20 min: “Laga Nos ‘Bai al Caso!’ ” Participacion di auditorio cu demostracion. Repasá cada un dje sugerencianan tocante kico pa bisa pa laga e doño di cas scucha bo. Laga publicadónan experenciá demostrá vários introduccion cu ta eficas. Invitá auditorio pa ofrecé mas sugerencia i pa relatá experencianan animador cu ta mustra kico realmente ta duna resultado localmente.

Cantica 183 i oracion di conclusion.

Siman di 19 di Juli

Cantica 31

10 min: Anuncionan local.

15 min: Necesidadnan local.

20 min: Mi Mester Djoin un Organisacion? Consideracion cu auditorio basá riba buki Razonamiento, página 273-7 [na ingles, página 280-4]. Hopi bes nos ta topa hende cu ta receptivo p’e mensahe di Reino, pero cu ta masha contra pa “djoin” un organisacion religioso. Repasá e definicion di “organisacion” i e shete rasgonan cu ta identificá Jehova su organisacion visibel. Splica di con e ta distinto for di otro organisacionnan i con asociacion cuné ta trece berdadero bendicion.

Cantica 189 i oracion di conclusion.

Siman di 26 di Juli

Cantica 184

15 min: Anuncionan local. Corda tur publicadó pa entregá raport di juli. Caha di Pregunta.

10 min: “Programa Nobo di Asamblea di Circuito.” Un discurso. Anunciá fecha dje siguiente asamblea di circuito. Animá esnan nobo pa pensa riba bautismo. Urgi tur presente pa asistí na tur sesion.

20 min: Nos Ta Haci Disipel? Superintendente di sirbishi huntu cu un of dos sirbidó ministerial ta considerá puntonan for di E Toren di Vigilancia di 15 di februari 1996, página 19-22. Resaltá e motibunan bíblico pakico nos tin cu busca te ora nos haña hende merecedor den nos teritorio i haci nan disipel. (Mat. 10:11) Esakinan ta hende cu ta suspirá debí na tur e condicionnan malbado cu nan ta mira rond di nan i cu probablemente lo busca Jehova promé cu e dia di su rabia cuminsá. (Eze. 9:4; Sof. 2:2, 3) Entre nan tin ‘esnan cu ta corectamente dispuesto pa bida eterno.’ (Echo. 13:48) Nos ta comisioná pa ta hacidó di disipel, i siña hende tur e cosnan cu Jesus a manda. (Mat. 24:14; 28:19, 20) Den e trabou di cas-pa-cas, via testificacion informal i riba caya, nos ta lanta e interes inicial di hende cu nos ta topa. Pero nos ta haci disipel dor di bai bek, esta, dor di haci rebishita i conducí studio di Bijbel cu nan. Duna sugerencianan práctico con por haci esaki.

Cantica 14 i oracion di conclusion.