Reunionnan Di Sirbishi Pa Augustus

Siman di 2 di Augustus

Cantica 39

8 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di april dje tres islanan ABC i dje congregacion local. Animá tur publicadó pa participá den e ministerio di veld durante augustus.

19 min: “Presentando Foyeto pa Busca Esnan Interesá.” Trata via pregunta-i-contesta. Foyetonan cu ta referí na dje den §5 ta: Bo Mester Kere den Trinidad?, Dios Realmente Ta Interesá den Nos? i E gobierno cu lo restorá paradijs. Informá e congregacion dje stock di foyetonan disponibel i pidi comentarionan riba cua foyeto specialmente lo ta apropiado p’e teritorio local. Cu entusiasmo, animá e rumannan pa nan tin un pleno participacion den ofrecé foyeto durante augustus. Mencioná tambe cu hopi biaha hende cu ta aceptá un foyeto lo kier haña e revistanan tambe.

18 min: “Educacion Seglar i Bo Metanan Spiritual.” Un tata ta trata e artículo cu su yu. Tambe nan ta repasá informacion relacioná cu esei for dje Spierta! na spañó di 22 di december 1995, página 7-11.

Cantica 148 i oracion di conclusion.

Siman di 9 di Augustus

Cantica 138

8 min: Anuncionan local. Informe di cuenta.

12 min: Pioneronan Ta Yuda Otro Publicadónan—Ki Progreso Tabatin? Discurso cu entrevista na encargo di e superintendente di sirbishi. Repasá e instruccion duná den Nos Ministerio di Reino di september 1998, página 4. Conta con a organisá e actividad aki localmente, i duna un informe actualisá riba e progreso cu tabatin cerca esnan cu a haña yudansa. Entrevistá un of dos pionero i algun dje publicadónan cu a beneficiá di nan yudansa. Animá esnan cu ta na beurt awor pa ser yudá, pa nan saca pleno probecho dje percuracion aki.

25 min: “E Porta pa Traha Pionero A Habri pa Bo Awor?” Consideracion via pregunta-i-contesta na encargo di un anciano. Den un manera positivo, mustra e posibilidadnan cu tin pa mas publicadó traha pionero. Entrevistá pioneronan cu por conta for di nan mes experencia con nan a logra vence obstáculonan comun. Analisá e “Muestra di Orario pa Pionero Regular,” i enfatisá con bon planeamentu por haci e rekisito di ora alcansabel. Anunciá cu despues di reunion, ken cu kier por haña un solicitud pa traha pionero.

Cantica 202 i oracion di conclusion.

Siman di 16 di Augustus

Cantica 131

8 min: Anuncionan local. Augustus a sobra dos fin di siman so, p’esei animá tur ruman pa participá den e ministerio promé cu luna caba. Repasá “Programa Nobo di Dia Special di Asamblea.”

17 min: “Considerá e Nomber Bunita di Jehova Como di Hopi Balor.” Limitá comentarionan di introduccion na ménos cu un minuut, i sigui cu un consideracion via pregunta-i-contesta. Resaltá e textonan mencioná.—Mira e buki Biba pa semper, página 184-5.

20 min: Bo Ta Participá den Haci Disipel? Consideracion cu auditorio. En bista dje gran cantidad di literatura cu ta laga, nos meta mester ta pa cuminsá studionan di Bijbel pa asina nos por yuda hende beneficiá dje publicacionnan cu nan ta ricibí. Laga publicadónan comentá riba e problemanan cu ta stroba nan di conducí mas studio: (1) Ta difícil pa haña hende cu kier studia. (2) Tin hende cu ta mustra interes ta bisa cu nan ta muchu druk pa studia. (3) Despues cu cuminsá un studio, ta difícil pa haña e persona na cas pa tene e studio regularmente. Trata tambe loke algun publicadó kisas ta sinti pa cu e trabou di conducí studio di Bijbel: (1) ‘Mi no ta sinti mi cualificá como maestro.’ (2) ‘Mi no tin tempu pa conducí un studio tur siman.’ (3) ‘Mi ta duda pa mara mi mes na un afsprak cu un otro hende.’ (4) ‘Mi ta satisfecho cu mi participacion den e otro rasgonan dje ministerio.’ Ofrecé sugerencianan positivo en cuanto con pa vence e obstáculonan aki pa asina nos por participá personalmente den e trabou di haci disipel. Laga publicadónan cu tin éxito, conta dje goso cu nan ta sinti den e trabou di conducí studio di Bijbel.—Mira e suplemento di Nos Ministerio di Reino di april 1998, §3-8, 15.

Cantica 100 i oracion di conclusion.

Siman di 23 di Augustus

Cantica 94

10 min: Anuncionan local.

15 min: Yuda Hende Recien Interesá Apreciá e Santidad di Matrimonio. Un anciano ta dirigí e auditorio den un consideracion basá riba e buki Razonamiento, página 234-6 [na ingles página 248-50]. Nos ta topa parehanan cu ta reaccioná bon na e mensahe di Reino, pero cu ta slow pa haci progreso pasobra nan ta biba compañá sin cu nan ta legalmente casá. Considerá con pa yuda nan comprendé pakico cristiannan mester tin un matrimonio onorabel. (Mira Spierta! na spañó di 8 di januari 1992, página 26-7.) Duna sugerencianan tocante kico nos por bisa cu tacto pa yuda parehanan asina comprendé di con nan no por ta parti dje congregacion, sino te ora cu nan matrimonio ta legalmente registrá.

20 min: “Sirbishi di Betel—Tin Mester di Mas Boluntario.” Ora di trata §4 cu 5, si ta posibel, haci areglo pa tene un demostracion caminda un tata ta papia cu su yu homber tiener tocante e meta di sirbishi di Betel i kico e yu por haci pa prepará pa esei, na armonia cu e sugerencianan den e paragraf. Despues dje demostracion mester trata e sobrá paragrafnan via pregunta i contesta.

Cantica 133 i oracion di conclusion.

Siman di 30 di Augustus

Cantica 99

10 min: Anuncionan local. Corda tur publicadó pa entregá nan raport di sirbishi di veld di augustus. Conductornan di Studio di Buki di Congregacion mester chek cu tur hende den nan grupo pa asina pa dia 6 di september tur raport por ta contá.

17 min: Nos Stima Nos Rumannan. Discurso na encargo di un anciano, incluso un consideracion cu auditorio basá riba E Toren di Vigilancia di 1 di december 1995, página 15-17, §7-11. Enfatisá e beneficionan mutuo cu nos ta disfrutá di dje ora nos siña conocé nos rumannan bon, i nos un ta animá otro i ta yuda otro wanta pruebanan. Sugerí con por haci esaki mas tantu ainda. Invitá auditorio pa conta experencianan cu ta mustra con animacion amoroso di otro rumannan a refrescá i fortalecé nan.

18 min: Duna un Motibu pa Bo Speransa. Un anciano ta entrevistá un of dos tiener ehemplar cu ta bai scol público. Constant nan ta haña nan cu situacionnan caminda nan pareunan mundano kier sa di con nos tienernan no ta djoin nan den nan actividadnan. Na mésun tempu cu nos hóbennan ta probechá dje oportunidadnan ei pa splica nan conviccionnan basá riba Bijbel, nan mester ta firme tambe den nan resistencia. E grupo ta papia tocante con nan lo por reaccioná si muchanan ofrecé nan sigaria of droga. Repasá e razonamentu cu tin den e buki Hovenan sa puntra, página 277-81. Splica con e echo cu nan ta defendé nan determinacion pa haci loke ta corecto ta sirbi como un proteccion i ta duna un bon testimonio.

Cantica 129 i oracion di conclusion.