Anuncionan

◼ Oferta di literatura pa september: Conocimentu cu Ta Hiba na Bida Eterno. October: Abonament riba E Toren di Vigilancia i Spierta! November i december: Por ofrecé e siguiente bukinan na e prijs reducí di un (1) florin: Berdadero paz i siguridad—Con bo por hayé?, Bo hubentud—sacando mayor probecho foi dje, E Bijbel—e Palabra di Dios of e palabra di hende? Logrando felicidad den bida di famía, Scuchando e Gran Maestro i Uní den adoracion dje único Dios berdadero. Por ofrecé e buki Bo por biba pa semper den Paradijs riba tera tamaño grandi pa un contribucion di tres (3) florin i tamaño chikitu pa 1,50.

◼ Den e ministerio kisas bo ta topa un persona cu ta surdu. Si tin un grupo of congregacion di idioma di seña cu ta funcioná den bo área, bo mester sigui e instruccion cu Sociedad a duna den su carta na tur congregacion, fechá 15 di october 1998. E carta ta splica: “Lo usa e formulario Por Fabor Atendé, pa haci nota di hende (sea cu nan ta biba den teritorio di bo congregacion of no) cu ta papia un otro idioma, incluso idioma di seña. Por lo general, mester us’é pa e propósito aki asta si e persona no mustra interes den e mensahe di Reino. . . . Despues di yena e formulario Por Fabor Atendé, mester dun’é na e secretario di congregacion personalmente of tir’é den e caha pa raport di sirbishi di veld na Salon di Reino.” Si tur publicadó keda alerto pa cooperá den e manera aki, congregacionnan di idioma di seña lo por compilá un lista di hende surdu cu tin den nan área.

◼ E superintendente presidente of un ruman asigná p’e mester controlá e cuentanan di congregacion dia 1 di september of mas pronto posibel despues di esei. Ora esaki tuma lugá, haci un anuncio n’e congregacion despues di lesa e siguiente informe di cuenta.

◼ Nos kier recordá ancianonan pa sigui e instruccionnan duná den E Toren di Vigilancia na spañó di 15 di april 1991, página 21-3, en cuanto cualkier persona expulsá of desasociá cu kisas ta incliná den direccion di ser restorá.

◼ Ta importante pa gruponan di 20 persona of mas cu ta planea pa bishitá facilidadnan di Sociedad na Merca, skirbi promé n’e Central Tour Desk na 100 Watchtower Drive, Patterson, NY 12563-9204. E Central Tour Desk lo atendé gruponan cu lo bishitá e facilidadnan di Sociedad na Brooklyn, Patterson i Wallkill, New York, of e Salon di Asamblea na Jersey City, New Jersey. Por fabor, manda informacion en cuantu e cantidad di persona cu ta bini i e fecha i ora cu lo bishitá cada sitio. Sociedad lo percurá un descripcion dje tournan cu tin disponibel i tambe un mapa cu ta mustra con pa yega na cada sitio. Promé cu bo bishita, por fabor, repasá e Caha di Pregunta di Nos Ministerio di Reino di mart 1998.

◼ Personanan asociá cu un congregacion mester manda tur abonament nobo i renobá di E Toren di Vigilancia i Spierta!, incluso nan abonamentnan personal, via nan congregacion.

◼ Sociedad no ta atendé pedidonan pa literatura di publicadónan individual. E superintendente presidente mester soru pa haci un anuncio tur luna promé cu manda e congregacion su pedido mensual di literatura pa Sociedad di manera cu tur ruman cu ta interesá pa haña literatura personal por avisá e ruman cu ta encargá cu literatura. Por fabor, tene na mente cua publicacionnan ta artículonan di pedido special.

◼ E Congresonan Internacional i di Distrito di 1998 “Dios Su Caminda di Bida” tabata ègt un bendicion pa tur cu a asistí. Entre esnan presente tabatin 2.764 misionero i sirbidó internacional cu a logra bishitá nan pais natal cu yudansa di donacionnan generoso for dje congregacionnan. A apreciá mashá e sosten cu rumannan a duna na e areglo aki. Awor cu e congresonan aki a finalisá, lo usa e resto dje fondonan cu a ricibí p’e propósito aki, pa apoyá e obra di predicacion mundial.

◼ Publicacionnan Nobo Disponibel:

Presta Atencion na e Profecia di Daniel!—frances, hulandes, ingles, papiamento, spañó