Reunionnan Di Sirbishi Pa September

Siman di 6 di September

Cantica 190

10 min: Anuncionan local. Anuncionan selectá for di Nos Ministerio di Reino.

17 min: “Bo Ta Trahando cu un Propósito?” Limitá comentarionan di introduccion na ménos cu un minuut, i sigui cu un consideracion mediante pregunta i contesta. Incluí comentarionan for dje buki Nos Ministerio, página 88-9. Animá tur ruman pa ta regular i cabal den nan ministerio.

18 min: “Mayornan, Pone un Bon Ehempel pa Boso Yunan.” Introduccion breve na encargo di un anciano, siguí pa un consideracion dje artículo entre dos ruman homber cu tin yu. Nan ta expresá nan preocupacion relacioná cu protehá nan yunan for di práctica i actitudnan perhudicial cu e muchanan ta exponé na dje na scol, na television i cerca famianan cu no ta Testigo i otro hende. E rumannan ta trata e actitudnan sin respet, forma di papia i di bisti i peña mundano, i entretenimentu insaludabel. Despues di considerá con necesario ta pa pone un bon ehempel, nan ta papia di maneranan pa desaroyá mas entusiasmo p’e studio di famia, p’e reunionnan di congregacion i pa sirbishi di veld.—Mira E Toren di Vigilancia di 1 di juli 1999, página 8-22, i Spierta! na spañó di 22 di september 1991, página 8-9.

Cantica 101 i oracion di conclusion.

Siman di 13 di September

Cantica 171

10 min: Anuncionan local. Informe di cuenta.

15 min: Con A Bai cu Nos Aña Pasá? Discurso na encargo dje superintendente di sirbishi. Repasá puntonan sobresaliente for dje raport di congregacion pa e aña di sirbishi di 1999. Duna encomendacion pa e cosnan bon cu a logra. Indicá cua ta e cosnan cu kisas mester mehorá. Enfocá riba con a bai cu e congregacion pa loke ta asistencia na reunion i studionan di Bijbel cu a conducí. Describí metanan práctico pa e aña di sirbishi nobo.

20 min: “Kico Lo Bo Bisa un Hindú?” Pregunta i contesta. Enfatisá e bentaha di establecé un tereno comun cu un persona, i indicá cua ta e puntonan cu tin mas chens cu nos lo bai di acuerdo cu un hindú. Mustra con por adaptá e presentacionnan sugerí pa predicá na hende di cualkier antecedente religioso. Demostrá un presentacion bon prepará caminda ta duna un hindú testimonio. Pa mas informacion riba hinduismo, mira e suplemento di Nos Ministerio di Reino di februari 1998; e foyeto Con pa Cuminsá i Continuá Consideracionnan Bíblico, página 13-14 [of buki Razonamentu, página 22]; i Hende Su Búskeda di Dios na spañó, capítulo 5.

Cantica 140 i oracion di conclusion.

Siman di 20 di September

Cantica 193

12 min: Anuncionan local i experencianan di sirbishi di veld.

15 min: Necesidadnan local.

18 min: Haci Bon Uso dje buki Creador. Discurso i demostracionnan. Nos Ministerio di Reino di april 1999 a splica cu nos por ofrecé e buki Creador ki ora cu nos topa hende cu (1) no ta kere den Dios of (2) ta kere den Dios pero no tin un concepto real di ken e ta of cua ta su cualidad i propósitonan. Nos por usa e pregunta i comentarionan interesante riba e kaft patras pa stimulá interes den lesa e buki. Of nos por usa página 152 eficasmente. Un publicadó por puntra: “Unda nos por haña e mihó conseho en cuanto con pa solucioná nos problemanan mas confundidor?” E por mustra e persona con autoridadnan renombrá a elogiá Jesus su Sermon Riba Ceru, i pidié scoge un dje shete puntonan cu mas ta interes’é, despues lesa un par dje textonan mencioná. Demostrá tur e dos sugerencianan aki pa ofrecé e buki Creador. Animá tur ruman pa nan tin e buki huntu cu nan den sirbishi di veld, cla pa ofrec’é ki ora cu ta apropiado.

Cantica 175 i oracion di conclusion.

Siman di 27 di September

Cantica 141

15 min: Anuncionan local. Recordá publicadónan pa entregá nan raport di sirbishi di veld di september. Animá tur ruman pa traha plan pa participá plenamente den distribucion di revista durante october. Repasá algun dje sugerencianan cu a sali den Nos Ministerio di Reino di october 1996, página 8, tocante con pa prepará presentacionnan. Usando e revistanan actual, mencioná algun bon punto di combersacion i tene un of dos presentacion breve.

15 min: Caha di Pregunta. Discurso na encargo di un anciano.

15 min: “Adoracion Berdadero Ta Expandiendo na Oost Europa.” Anciano ta dirigí un sesion di pregunta i contesta. Cita experencianan of otro evidencia di aumento den e paisnan mencioná, for di Anuarionan recien.

Cantica 87 i oracion di conclusion.