Anuncionan

◼ Oferta di literatura pa december: Por ofrecé e siguiente bukinan na e prijs reducí di un (1) florin: Berdadero paz i siguridad—Con bo por hayé?, Bo hubentud—sacando mayor probecho foi dje, E Bijbel—e Palabra di Dios of e palabra di hende?, Logrando felicidad den bida di famía, Scuchando e Gran Maestro i Uní den adoracion dje único Dios berdadero. Por ofrecé e buki Bo por biba pa semper den Paradijs riba tera tamaño grandi pa un contribucion di tres (3) florin i tamaño chikitu pa 1,50. Januari: Cualkier buki di 192 página imprimí promé cu 1986, cu e congregacion por tin na stock. Congregacionnan cu no tin stock di bukinan asina por ofrecé Bida—Con El A Presentá? Dor di Evolucion of Creacion? of Bo por biba pa semper den Paradijs riba tera. Februari: E Secreto pa Felicidad den Famia. Mart: Conocimentu cu Ta Hiba na Bida Eterno. Lo haci un esfuerso special pa cuminsá studionan di Bijbel na cas.

◼ Como cu lo tene e graduacion di Galad riba diasabra, 11 di mart 2000, lo no por haci tour riba e dia ei dje edificionan di Sociedad na Brooklyn, Patterson i Wallkill, New York. Ken cu a planea un bishita riba e diasabra ei lo tin cu reprogramá su bishita pa un otro dia cumbiniente.

◼ Congregacionnan mester cuminsá haci pedido pa volúmen di E Toren di Vigilancia i Spierta! 1999 huntu cu nan pedido di literatura di december. E volúmennan lo ta disponibel na aleman, chines, croata, frances, griego, hapones, hulandes, ingles, italiano, koreano, polaco, portugues, rumano, ruso i spañó. Tanten cu e volúmennan no ta disponibel i e cargamentu no ser mandá, lo pone nan como “Pending” riba e lista di empake di congregacion. Volúmennan ta artículo di pedido special.

◼ E superintendente presidente of un ruman asigná p’e mester controlá e cuentanan di congregacion dia 1 di december of mas pronto posibel despues di esei. Despues di lesa e siguiente informe di cuenta, anunciá n’e congregacion cu esaki a tuma lugá.

◼ Memorial pa aña 2001 lo cai riba diadomingo, 8 di april, despues cu solo baha. Nos ta duna e aviso delantá aki pa asina rumannan por haci reservacion of cera contractnan necesario pa salanan disponibel si tin vários congregacion ta usa e mésun Salon di Reino i mester busca otro caminda pa reuní. Ancianonan mester tin un acuerdo cu gerencia dje lugá cu ta sigurá cu lo no tin bochincha di otro actividadnan den e edificio di manera cu e celebracion di Memorial por bai trankil i ordená. Debí n’e importancia dje ocasion, ora di asigná e orador pa Memorial, e cuerpo di anciano mester scoge un dje ancianonan mas cualificá en bes di simplemente duna cada un beurt of usa e mésun ruman tur aña. Lo haci un excepcion si tin un anciano capacitá dje clase ungí cu por duna e discurso.

◼ Publicacion Nobo Disponibel:

E Guia di Dios—Nos Caminda pa Paradijs —arabir

◼ Audiocaset Nobo Disponibel:

Ora un Persona Stimá Muri (un solo caset) —ingles