Repaso di Scol di Ministerio Teocratico
Repaso cu buki cerá riba e material cu a ser tratá den asignacionnan den e Scol di Ministerio Teocrático p’e simannan di 6 di september te cu 20 di december 1999. Usa un blachi separá pa skirbi contesta di mas tantu pregunta posibel den e tempu asigná.
[Nota: Durante e repaso skirbí, por usa solamente Bijbel pa contestá cualkier pregunta. E referencianan cu ta sigui e preguntanan ta pa bo investigacion personal. Number di página i paragraf kisas no ta aparecé na tur referencia di E Toren di Vigilancia.]
Contestá cada un dje siguiente declaracionnan cu Cierto of Falsu:
1. Jehova a permití hende goberná independiente di dje pa duna prueba cu Su manera di goberná semper ta bon i hustu. (Deu. 32:4; Job 34:10-12; Jer. 10:23) [w97-PA 15/2 pág. 5 §3] Cierto.
2. Bijbel ta indicá cu Dios ta condená tur kehamentu. [w97-PA 1/12 pág. 30 §3-4] Falsu. Den e mundu imperfecto cu nos ta biba, tin hopi inhusticia i problema cu debidamente ta rekerí coreccion.
3. Mayornan ta mantené e relacion cu nan yunan casá den e perspectiva corecto dor di reconocé e principionan divino di hefatura i bon ordu. (Gén. 2:24; 1 Cor. 11:3; 14:33, 40) [fy-PA pág. 164 §6] Cierto.
4. Marco 6:31-34 ta mustra cu Jesus a sinti duele di e multitud solamente debí na nan malesa i pobresa. [w97-PA 15/12 pág. 29 §1] Falsu. Jesus a sinti duele debí na nan condicion spiritual; como cu nan lidernan religioso tabata probechá di nan.
5. Si un cristian dje clase di otro carné no por asistí n’e Memorial di Jesus su morto, e mester celebr’é un luna despues, na armonia cu e principio na Númeronan 9:10 i 11. (Juan 10:16) [Lesamentu semanal di Bijbel; mira w93-S 1/2 pág. 31 §9.] Falsu. Ya cu e “otro carnénan” no ta tuma dje emblemanan, no tin nodi haci ningun areglo adicional.
6. Maske un welo of wela cristian no ta tuma over e responsabilidad dje tata cu mama di inculcá berdadnan bíblico den nan yunan, nan por duna un contribucion balioso n’e desaroyo spiritual di un mucha. (Deu. 6:7; 2 Tim. 1:5; 3:14, 15) [fy-PA pág. 168 §15] Cierto.
7. Proverbionan 6:30 ta mustra cu bou di cierto circunstancia por dispensá of hustificá hortamentu. [g97-PA 8/11 pág. 13 (g97-S 8/11 pág. 19) §2] Falsu. Versículo 31 ta mustra cu tog Dios ta considerá e ladron castigabel pa su eror.
8. Na aña 1530, William Tyndale tabata e promé hende cu a usa e nomber di Dios, Jehova, den un traduccion ingles dje Scritura Hebreo. [w97-PA 15/9 pág. 28 §3] Cierto.
9. Awe, e stad di refugio antitípico ta Dios su percuracion pa protehá nos for di morto dor cu nos a violá su mandamentu tocante e santidad di sanger. (Núm. 35:11) [Lesamentu semanal di Bijbel; mira w95-PA 15/11 pág. 17 §8.] Cierto.
10. E nomber Deuteronomio, cu ta nificá “Di Dos Ley,” ta apropiado pasobra e buki bíblico aki ta djis un ripiticion dje Ley. [Lesamentu semanal di Bijbel; mira si-S pág. 36 §4.] Falsu. Segun Deuteronomio 1:5, e ta un splicacion dje Ley, i e ta contené hopi principio balioso cu ta beneficiá nos awe.
Contestá e siguiente preguntanan:
11. Kico e dos pannan cu zuurdeeg cu e sumo sacerdote a ofrecé durante e Fiesta di Pentecoste, a prefigurá? (Lev. 23:15-17) [Lesamentu semanal di Bijbel; mira w98-PA 1/3 pág. 13 §21.] E pannan cu zuurdeeg a prefigurá e 144.000 hendenan imperfecto cu Jesus ‘a cumpra pa Dios’ pa sirbi como “un reino i sacerdotenan”; e dos pannan por prefigurá tambe e echo cu e gobernantenan aki ta bini di dos grupo di humanidad pecaminoso, esta, hudiu i no-hudiu. (Rev. 5:9, 10; 14:1, 3) (Idea principal ta suficiente)
12. Na ki tempu e Hubileo cristian a cuminsá, i ki clase di libertad el a trece n’e tempu ei? (Lev. 25:10) [Lesamentu semanal di Bijbel; mira w95-PA 15/5 pág. 24 §14.] El a cuminsá na Pentecoste aña 33 E.C., ora cu esnan cu a ricibí e spiritu santu dramá, a ser librá for di sclabitud n’e pacto di Ley di Moises.
13. Segun e registro den e buki di Númeronan, sobrebibencia ta dependé di cua tres cos? [si-S pág. 30 §1] (1) Santificá Jehova su nomber, (2) obedec’é bou di tur circunstancia i (3) mustra respet pa esnan cu ta represent’é.
14. Den ki manera Moises tabata un bon ehempel den demostrá cu e no tabatin un spiritu yalurs? (Núm. 11:29) [Lesamentu semanal di Bijbel; mira w95-PA 15/9 pág. 18 §11.] El a keda contentu ora cu otronan a ricibí privilegionan di sirbishi. E no tabata kier gloria pa su mes.
15. Con e caso di Coré, Datan i Abiram, ta ilustrá cu no ta tur biaha mira kier men kere? [w97-PA 15/3 pág. 4 §2] Nan a mira e dies plaganan riba Egipto, e manera milagroso cu e israelitanan a scapa dor di laman Corá, e fin di fárao i su ehército i un despliegue sobrenatural na ceru di Sínai. I tog, no muchu tempu despues di tur esei, nan a rebelá contra Jehova i su sirbidónan nombrá. (Ex. 7:19–11:10; 12:29-32; Núm. 16:1-35; Deu. 4:11, 12; Sal. 136:15) (Idea principal ta suficiente)
16. Mateo 15:3-6 i 1 Timoteo 5:4 ta resaltá cua dos aspecto di onra mayornan di edad avansá? [fy-PA pág. 173-5 §2-5] Mester duna mayor i welonan debido compensacion i respet, asta si nan ta malu i débil.
17. Ki les importante Númeronan 26:64 i 65 ta resaltá? [Lesamentu semanal di Bijbel; mira g95-S 8/8 pág. 10-11 §5-8.] Nos no por peca sin ricibí castigu.
18. Con e ehempel di Fínehas ta yuda nos comprendé loke dedicacion na Jehova ta nificá? (Núm. 25:11) [Lesamentu semanal di Bijbel; mira w95-PA 1/3 pág. 16 §12-13.] Mescos cu Fínehas no a tolerá ningun rivalidad pa cu Jehova, nos no tin cu permití nada tuma e lugá cu dedicacion na Jehova mester ocupá den nos curason.
19. Con un persona den e stad di refugio antitípico por ‘sali pafó dje límite’ dje stad? (Núm. 35:26) [Lesamentu semanal di Bijbel; mira w95-PA 15/11 pág. 20 §20.] Dor di permití amor pa e mundu di Satanas desaroyá den su curason.
20. Den ki manera e Codex Sináitico tabata un bendicion pa traduccion di Bijbel? [w97-PA 15/10 pág. 11 §2] Debí cu e tabata un dje manuscritonan mas bieu dje idioma original, no solamente el a revelá cu e Scritura Griego a keda básicamente intacto, sino tambe cu el a yuda eruditonan descubrí erornan cu a sluip drenta den manuscritonan mas despues.
Yena e palabra(nan) of frase necesario pa completá cada un dje siguiente declaracionnan:
21. Jehova a permití maldad existí pa establecé una bes pa semper e berdad fundamental cu ta e so ta Soberano i cu obedencia na su leynan ta esencial p’e pas i felicidad continuo di henter su creacion. (Sal. 1:1-3; Pro. 3:5, 6; Ecl. 8:9) [w97-PA 15/2 pág. 5 §4]
22. E buki di Levítico ta sobresaliente den resaltá e santidad di sanger, i ta mustra cu e único cos pakico por a us’é ta como expiacion pa picá. [si-S pág. 29 §33]
23. Na armonia cu Salmo 144:15b, berdadero felicidad ta un condicion di curason, basá riba berdadero fe i un bon relacion cu Jehova. [w97-PA 15/3 pág. 23 §7]
24. E Bijbel cu a resultá for di traducí Bijbel na hebreo pa griego comun, completá rond di aña 150 P.E.C., a bira conocí como Septuaginta; Jerónimo su traduccion di Bijbel na latin a bira conocí como Vulgata, of Version Comun, i a keda completá rond di aña 400 E.C. [w97-PA 15/8 pág. 9 §1; pág. 10 §4]
25. Hudas a usa e relatonan di Balam i Coré, registrá den e buki di Númeronan, pa spierta cristiannan pa vigilá contra e trampa di golosidad i papiamentu rebelde. [si-S pág. 35 §35]
Scoge e contesta corecto den cada un dje siguiente declaracionnan:
26. Un biaha pa aña, riba e (Fiesta di Cabaña; Dia di Expiacion; Pascu hudiu), henter e nacion di Israel, incluso residentenan stranhero cu a adorá Jehova, tabatin cu (stop cu tur trabou; paga diesmo; presentá ofrenda di promé fruta) i yuna. (Lev. 16:29-31) [Lesamentu semanal di Bijbel; mira w96-PA 1/7 pág. 10 §12.]
27. Un dje metanan dje Comité di Traduccion di Bijbel di Mundu Nobo tabata pa producí un traduccion cu tabata (mas literal posibel; un parafrase dje idiomanan original; na armonia cu e manera cu nan a comprendé cierto doctrina) pa asina trece e lector mas cerca dje sabor dje idiomanan original i tambe nan manera di pensa. [w97-PA 15/10 pág. 11 §5]
28. Segun Hebreonan 13:19, oracion persistente di compañeronan creyente por haci un diferencia den (loke Dios ta permití; ki ora Dios ta actua; con Dios lo maniobrá cosnan). [w97-PA 15/4 pág. 6 §1]
29. E “cabuya blou riba e rand di fraña dje saya” di israelitanan tabata necesario como un (decoracion sagrado; señal di modestia; recordatorio visual pa ta separá di mundu como e pueblo di Jehova). (Núm. 15:38, 39) [Lesamentu semanal di Bijbel; mira w84-S 15/5 pág. 25 (w83-E 15/10 pág. 20) §16.]
30. E periodo di tempu cu e buki di Deuteronomio ta abarcá ta (dos luna; un aña; dos aña), i a terminá di skirbié na principio di aña (1513; 1473; 1467) P.E.C. [si-S pág. 36 §6]
Cuadra e siguiente textonan bíblico cu e declaracionnan aki bou:
Núm. 16:41, 49; Mat. 19:9; Luc. 2:36-38; Col. 2:8; 3:14
31. Asetismo no ta hiba na santidad special ni na berdadero iluminacion. [Col. 2:8] [g97-PA 8/10 pág. 22 §4 (g97-S 8/10 pág. 21 §3)]
32. Fornicacion ta e único base bíblico pa divorcio cu e posibilidad pa bolbe casa. [Mat. 19:9] [fy-PA pág. 158-9 §15]
33. Ser hopi activo den actividadnan teocrático, asta ora bo ta di edad avansá, por yuda bo superá e pérdida di bo casá. [Luc. 2:36-38] [fy-PA pág. 170-1 §21]
34. Piki pieu riba e manera cu Jehova ta administrá husticia mediante su sirbidónan nombrá por tin consecuencianan desastroso. [Núm. 16:41, 49] [Lesamentu semanal di Bijbel; mira w96-PA 15/6 pág. 21 §13.]
35. Amor inegoista ta mara un pareha casá huntu i ta pone cu cada un kier haci loke ta mihó pa e otro i pa nan yunan. [Col. 3:14] [fy-PA pág. 187 §11]