Programa di Reunion di Sirbishi

Siman di 13 di November

Cantica 4

10 min: Anuncionan local. Anuncionan selectá for di Nos Ministerio di Reino.

13 min: Caha di Pregunta. Discurso na encargo di un anciano.

22 min: “Cultivá Interes Cu Noticia di Reino Num. 36 A Lanta.” Considerá §1-5 mediante pregunta i contesta. Describí areglonan local pa cubri cualkier teritorio cu no a traha ainda. Repasá e presentacionnan pa haci rebishita den §7 cu 8, i tene un demostracion di cada un. Enfatisá e importancia di rebishitá tur esnan interesá cu nos a topa i purba cuminsá studio di Bijbel. Concluí dor di considerá §9 i e textonan mencioná.

Cantica 63 i oracion di conclusion.

Siman di 20 di November

Cantica 111

10 min: Anuncionan local. Informe di cuenta.

15 min: Experencianan den Distribucion di Noticia di Reino Num. 36. Informá si a logra cubri e teritorio. Tabatin personanan den congregacion cu a participá pa promé bes den sirbishi? Relatá comentarionan faborabel cu doñonan di cas a haci. Tabatin publicadó cu a logra cuminsá studio di Bijbel? Si ta asina, laga nan splica of tene un demostracion dje manera cu nan a hacié. Corda tur publicadó pa cultivá e interes cu nan a haña.

20 min: “Sigui Predicá!” Discurso cu entrevista. Tin hende ta asociá cu e organisacion di Jehova i a persistí den e trabou di predicá henter nan bida. Cu un actitud positivo, nan ta haña goso den haci esei. (Wak buki Conocimentu, página 179, §20, i E Toren di Vigilancia [na spañó] di 1 di mei 1992, página 21-2, §14-15.) Invitá un publicadó cu ta activo pa hopi aña pa relatá e motibunan pakico el a persistí den e trabou di predicá.

Cantica 141 i oracion di conclusion.

Siman di 27 di November

Cantica 153

10 min: Anuncionan local. Recordá tur publicadó pa nan entregá raport di sirbishi di veld di november. Oferta di literatura pa december ta e buki Conocimentu huntu cu e Traduccion di Mundu Nobo. Splica con Testigonan di Jehova a hunga un papel importante den producí Bijbel den hopi idioma.—Mira E Toren di Vigilancia di 15 di october 1997, página 11-12.

20 min: Haci Bon Uso di Buki Razonamentu. Considerá página 7-8 dje buki mediante pregunta i contesta. Mustra con e buki aki ta diseñá pa yuda nos prepará pa por tin un participacion mas eficas den e ministerio. Splica con por usa e buki ora di predicá via telefon. Demostrá con pa haña informacion útil pa contestá un pregunta. Urgi tur presente pa familiarisá nan mes cu e buki aki, cana cuné den nan tas di sirbishi, i us’é regularmente.

15 min: Con Mi Por Controlá Mi Wakmentu di Television? Un anciano ta papia cu un ruman homber hóben cu ta dedicá vários ora pa dia na wakmentu di television. Na promé instante, e ruman homber ta insistí cu no tin nada malu den esei. E ta bisa cu ta simplemente un manera pa relahá i cu e no ta ser afectá. E anciano ta repasá e puntonan principal di capítulo 36 dje buki Hovenan sa puntra. E ta splica cu demasiado wakmentu di television ta come tempu balioso cu por a usa na haci studio personal, bai den e ministerio of yuda cu necesidadnan di congregacion. E ruman hóben ta expresá aprecio p’e conseho i ta bisa cu pa su beneficio spiritual, lo e cambia su wakmentu di television.

Cantica 175 i oracion di conclusion.

Siman di 4 di December

Cantica 189

10 min: Anuncionan local. “Kico Bo Ta Bisa un Aparato di Contestá Yamada?”

15 min: Necesidadnan local.

20 min: “Un Palabra Papiá n’e Tempu Apropiado.” Consideracion cu auditorio i demostracionnan. Hopi publicadó ta sinti nan mes inadecuá ora nan ta purba cuminsá un combersacion, asumiendo ekibocadamente cu nan tin mester di abilidadnan special pa nan haña resultado. Splica con nos tur, incluso esnan nobo i publicadónan hóben, por cuminsá un combersacion haciendo esfuerso razonabel. Repasá e presentacionnan sugerí, resaltando nan simplicidad, i laga dos of tres publicadó demostrá nan. Referí na Nos Ministerio di Reino di mart 1998, página 8, pa mas presentacion cu por ser usá. Urgi tur presente pa ta positivo di manera cu nan lo haña mas goso den nan ministerio.

Cantica 218 i oracion di conclusion.