Programa di Reunion di Sirbishi

Siman di 11 di December

Cantica 50

10 min: Anuncionan local. Anuncionan selectá for di Nos Ministerio di Reino. Si e congregacion tin e buki E homber mas importante cu hamás a biba na stock, mustra con por us’é bon den e ministerio durante e temporada di dianan di fiesta. Animá tur ruman pa wak e video Bijbel—Historia Exacto, Profecia Confiabel como preparacion pa e parti den e Reunion di Sirbishi dje siman di 25 di december. Esnan cu tin e video por fia esnan cu no tin e, of nan por wak e huntu.

15 min: “Teme Jehova Henter Dia.”a Incluí e splicacion di temor di Dios cu ta ser duná na página 30 dje Spierta! di 8 di januari 1998 [na otro idiomanan página 26]. Enfatisá e beneficionan saludabel di teme Jehova.

20 min: “Preshon di Pareunan i Bo Privilegio di Predicá.” Discurso cu entrevista. Invitá personanan cu a experenciá preshon di nan pareunan pa relatá con nan a logra keda activo den e trabou di predicá apesar di esei.

Cantica 78 i oracion di conclusion.

Siman di 18 di December

Cantica 94

15 min: Anuncionan local. Informe di cuenta. Describí areglonan special pa sirbishi di veld pa 25 di december i 1 di januari. Contestá e pregunta: Tin cualkier obhecion contra participá den celebracionnan cu kisas tin un orígen no-cristian, tanten cu esaki no ta ser hací pa motibunan religioso?—Wak buki Razonamentu na spañó página 113-15 [na ingles, página 178-80].

12 min: “E Scol di Ministerio Teocrático pa 2001.” Discurso na encargo dje superintendente di scol. Animá tur presente pa keda al dia cu nan lesamentu di Bijbel semanal i pa ta diligente den cumpli cu nan asignacionnan den e scol.

18 min: “Bo Ta Predicá cu Curashi?”b Pidi comentarionan riba e textonan den e artículo. Usando e buki Nos Ministerio, página 86, mustra con nos por haña mas curashi i ser mas eficas den sirbishi di veld.

Cantica 124 i oracion di conclusion.

Siman di 25 di December

Cantica 126

10 min: Anuncionan local. Invitá auditorio pa relatá experencianan recien cu nan tabatin den e trabou di predicá. Repasá oferta di literatura pa januari.

10 min: Necesidadnan local.

25 min: “Siña for dje Video Bijbel—Historia Exacto, Profecia Confiabel.” Consideracion cu auditorio. Ofrecé sugerencianan en cuanto con por usa e video aki pa motivá otro hende. (Anuario 1999, página 51-2) Na februari nos lo repasá e di dos video dje seri aki, Bijbel—Humanidad Su Buki Moderno Mas Antiguo.

Cantica 151 i oracion di conclusion.

Siman di 1 di Januari

NOTA: Congregacionnan no mag cambia nan Reunion di Sirbishi dje siman di 1 di januari pa un anochi mas promé a ménos cu e superintendente di circuito ta di bishita. Den tur congregacion mester considerá e suplemento tocante congreso durante e Reunion di Sirbishi manera e ta programá.

Cantica 171

8 min: Anuncionan local. Si bo congregacion ta bai cambia su oranan di reunion pa e aña nobo, urgi tur hende bondadosamente pa sigui asistí cu regularidad na e orario nobo. Informá studiantenan di Bijbel i otro personanan interesá di cualkier cambio, i cuminsá usa e pamfletanan cu ta mustra e orario nobo. Comentá riba e raport di sirbishi di veld di augustus dje tres islanan i dje congregacion local. Corda publicadónan pa nan entregá nan raport di sirbishi di december.

17 min: Con pa Prepará pa Rebishita. Tata ta considerá cu su famia con nan por ta mas productivo den nan ministerio. E ta enfatisá motibunan bíblico pa rebishitá tur persona interesá cu nan topa. Usando e guia percurá den E Toren di Vigilancia di 1 di juli 1999, página 22, §18, e famia ta prepará pa haci algun rebishita. Tur ta reconocé cu nan a topa hende cu nan tin cu bolbe bishitá. Cada un ta describí e reaccion cu el a haña na e bishita inicial, i e otronan ta sugerí un idea i un texto pa usa na e rebishita. Nan ta haña puntonan den e foyeto Rekerí cu nan lo por usa den un manera eficas. E mayornan ta laga un dje yunan practicá loke lo e bisa na su rebishita. Nan ta palabrá un ora specífico pa bai haci rebishita durante e siman binidero.

10 min. “Congreso di Distrito 2001 di Testigonan di Jehova ‘Siñadónan dje Palabra di Dios.’” Secretario ta trata e artículo dje suplemento mediante pregunta i contesta. Promé, lesa e carta di asignacion pa congreso for di Sociedad fechá 15 di december 2000. Despues usa e textonan mencioná pa mustra di con nos tur tin cu sigui e instruccion di Sociedad estrechamente. Enfatisá e importancia di haci areglo mas pronto posibel pa haña dia liber di trabou afin di por asistí na tur tres dia di congreso. Encomendá tur hende pa nan cooperacion cu e areglonan di Sociedad.

10 min. “Fondo di Sociedad pa Salon di Reino—Bo Ta Participá den Dje?” Abarcá e material mediante pregunta i contesta. Corda e rumannan cu contribucionnan cu duna na e Fondo di Sociedad pa Salon di Reino ta yuda cu construccion di Salon di Reino rond mundu, pero tambe ta incluí nos teritorio. Informá nan cu pronto lo haci areglo pa pone un caha di contribucion marcá bon cla pa Fondo di Sociedad pa Salon di Reino. Encomendá e rumannan pa nan spiritu generoso.

Cantica 212 i oracion di conclusion.

[Footnote]