Programa di Reunion di Sirbishi

NOTA: Nos Ministerio di Reino lo programá un Reunion di Sirbishi pa cada siman durante e siguiente lunanan. Congregacionnan por haci ahuste segun ta necesario pa permití nan asistí na e Congreso di Distrito “Siñadónan dje Palabra di Dios.” Usa 15 minuut dje último Reunion di Sirbishi promé cu e congreso pa ripití conseho al caso cu tin den e suplemento dje luna aki cu por ta apropiado localmente. Durante luna di october lo dedicá henter un Reunion di Sirbishi na repasá e puntonan sobresaliente di congreso. Como preparacion pa e consideracion ei, nos tur por haci anotacionnan significativo na congreso, incluso haci un lista di punto cu nos ta deseá di aplicá personalmente den nos mes bida i den e ministerio di veld. E ora ei nos por ta prepará pa splica con nos a aplicá e sugerencianan ei despues di a asistí n’e congreso. Lo ta un animacion mutuo pa tende con nos a beneficiá dje bon instruccion cu nos a ricibí.

Siman di 14 di Mei

Cantica 3

6 min: Anuncionan local i Anuncionan selectá for di Nos Ministerio di Reino. Considerá e nota ariba relacioná cu e ahustenan di Reunion di Sirbishi, i cu tin planeá pa tene un Reunion di Sirbishi den october, den cua lo tene un repaso dje puntonan sobresaliente dje congreso di distrito.

9 min: Kico Ta Bo Plannan pa e Temporada di Vakansi? Un anciano of un sirbidó ministerial cu su famia ta considerá nan plannan pa vakansi grandi. Nan ta papia tocante asistí na tur sesion dje congreso di distrito, traha pionero auxiliar i kisas bai afó of disfrutá di poco recreo. Nan tur ta di acuerdo pa no neglishá actividadnan teocrático manera asistencia na reunionnan di congregacion, participacion den sirbishi di veld i di tene nan studio bíblico di famia, asta si nan bai di biahe. Nan lo haci sigur di raportá nan actividad di sirbishi di veld na e secretario na tempu, sin importá si nan ta na cas of afó.

14 min: “Congresonan—Tempu pa Alegrá!” Discurso na encargo di un anciano. Splica di con e pueblo di Jehova den tempu bíblico a tene reunionnan grandi i di con nan ta mésun probechoso awe. E ocasionnan aki ta percurá asociacion fortalecedor i cuminda spiritual vital. Enfatisá con importante ta pa tur hende ta presente tur tres dia dje congreso di distrito.

16 min: Educacion cu un Propósito. Discurso na encargo di un anciano. Basá riba E Toren di Vigilancia di 1 di december 1996, página 17-19, §9-15. Motivá mayornan pa mira con educacion seglar—tantu obligatorio como adicional—mester tin un meta principal: ekipá nan yunan pa bira ministernan eficas di Jehova. Si mayornan mes por tuma parti den e ministerio di tempu completo, nan por tin mas éxito den yuda nan yunan alcansá e meta ei. Yuda tur hende mira cu nan por usa e educacion adicional ricibí pa mantené nan mes den e ministerio di tempu completo en bes di pa sigui un carera seglar. Educacion cu un propósito di Reino semper lo hiba na gran bendicion for di Jehova i lo e soru pa tur nos necesidadnan.

Cantica 31 i oracion di conclusion.

Siman di 21 di Mei

Cantica 52

10 min: Anuncionan local. Informe di cuenta.

17 min: “Scucha i Absorbá Mas Instruccion.” Discurso i consideracion cu auditorio. Splica di con e instruccion percurá na congreso ta alimento spiritual vital cu nos mester. Comentá riba e gran cantidad di esfuerso i tempu rekerí pa organisá un programa asina. Invitá auditorio pa comentá riba loke cada hende por haci pa ta sigur cu tantu e mes como otronan por saca mayor probecho dje congreso. Enfatisá e motibunan di con nos tur mester ta sintá ora cada sesion cuminsá.

12 min: “Haci Bon i Haña Elogio!”a Splica di con nos ta atraé hopi atencion ora nos asistí na un congreso grandi. Comentarionan faborabel di observadó ta aumentá e testimonio di Reino, miéntras cu remarkenan crítico por alehá hende for di nos. Señalá cosnan specífico cu nos mester haci pa demostrá cu nos tin cualidadnan cristian, entre otro, berdadero interes den otro hende.

6 min: “Un Carta di Cuerpo Gobernante.” Discurso na encargo di un anciano. Indicá unda den Nos Ministerio di Reino e carta ta. Resaltá un par di punto principal for dje carta. Splica cu e carta aki ta loke ta sali den Anuario, pero esei no ta na papiamentu. P’esei Cuerpo Gobernante a haci un percuracion special pa e ser traducí pa teritorionan cu no ta ricibí e Anuario den nan idioma. Nos cada un mester tuma nos tempu pa lesa e carta aki dirigí na nos como publicadó di Reino individual. Tuma e informacion na pechu. Lagu’é motivá nos i fortalecé nos pa ta activo i fuerte den e obra di Reino.

Cantica 105 i oracion di conclusion.

Siman di 28 di Mei

Cantica 58

13 min: Anuncionan local. Corda publicadónan pa entregá raport di sirbishi di veld di mei. Repasá e artículo “Proceso Simplificá di Renobá Abonament.” Animá tur abonado pa no laga nan abonament riba E Toren di Vigilancia i Spierta! caducá.

15 min: Necesidadnan local.

17 min: “E Palabra di Dios . . . Ta Ehercé Poder.”b Incluí dos demostracion bon prepará cu ta mustra con presentacionnan breve por enfocá atencion riba e Palabra di Dios.

Cantica 79 i oracion di conclusion.

Siman di 4 di Juni

Cantica 100

12 min: Anuncionan local i experencianan di sirbishi di veld.

15 min: “Participá Plenamente den e Cosecha.”c Ora ta trata §4, incluí e ehempel for di E Toren di Vigilancia di 15 di september 1996, página 19, §10, cu ta mustra kico algun publicadó ta haciendo pa expandé nan ministerio.

18 min: “Nos A Traha Nos Teritorio Hopi Bes!”d Na encargo dje superintendente di sirbishi. (Congregacionnan cu tin teritorionan cu masha poco nan ta traha, por repasá e artículo “Revistanan Ta Anunciá e Reino,” den Nos Ministerio di Reino di april 1998.) Considerá kico por haci localmente pa cubri e teritorio den un forma mas cabal ora ta trah’é. Relatá experencianan for dje Anuario 1997, página 204, i E Toren di Vigilancia di 15 di februari 1996, página 26. Enfatisá e importancia di tene bon registro di cas pa cas, di bai bek na e no-na-casnan, i di haci rebishita unbes.

Cantica 142 i oracion di conclusion.

[Footnotes]