Programa di Reunion di Sirbishi

Siman di 8 di October

Cantica 109

10 min: Anuncionan local. Anuncionan selectá for di Nos Ministerio di Reino. Animá tur presente pa wak e video Uní pa Medio di Siñansa Divino como preparacion p’e consideracion cu lo tin durante e Reunion di Sirbishi dje siman di 22 di october. Usando e sugerencianan na página 8, demostrá dos presentacion breve cu revista, unu cu E Toren di Vigilancia di 15 di october i e otro cu e ¡Despertad! di 22 di october.

35 min: “Bo Ta Aplicando Loke Bo A Siña n’e Congreso di Distrito ‘Siñadónan dje Palabra di Dios’?” Consideracion cu auditorio dje programa di congreso, na encargo dje conductor di Studio di Toren di Vigilancia. Despues di un introduccion di un minuut, dedicá 10-12 minuut n’e programa di cada dia. Presentá brevemente e puntonan principal bou di cada subtema, anto invitá e auditorio pa comentá riba (1) con nan a purba aplicá e instruccion, (2) con nan a beneficiá di haci esei i (3) kico mas nan ta sinti cu nan tin cu haci. Usa preguntanan cu ta stimulá pensamentu serio pa e consideracion por ta animá. Yuda tur presente comprendé di con ta necesario pa usa loke nan a siña.

Cantica 151 i oracion di conclusion.

Siman di 15 di October

Cantica 113

10 min: Anuncionan local. Informe di cuenta.

15 min: Bo Tin “un Curason Obediente”? (1 Rey. 3:9) Discurso na encargo di un anciano, basá riba E Toren di Vigilancia di 15 di juli 1998, página 29-31. Considerá maneranan den cua nos por demostrá obedencia ora di traha cu e congregacion.

20 min: Haci Bon Uso di Nos Revistanan. E superintendente di sirbishi i e sirbidó di revista ta combersá tocante nan preocupacion relacioná cu e distribucion local di revista. Nan ta mencioná cuantu revista e congregacion ta ricibí tur luna compará cu e cantidad raportá como lagá den veld. Evidentemente, tin basta revista ta ser wardá of bentá afó. Con e publicadónan por haci mihó uso di nos revistanan? E rumannan ta considerá e shete puntonan cu tabatin den e parti di Reunion di Sirbishi p’e siman di 4 di october 1999, “Ser Conciente dje Revistanan!” Nan ta repasá e experencia den E Toren di Vigilancia di 15 di februari 1998, página 28-9, i considerá algun manera cu lo por aplicá e sugerencianan localmente. Animá tur publicadó pa purba e presentacionnan cu tin tur luna den Nos Ministerio di Reino.

Cantica 156 i oracion di conclusion.

Siman di 22 di October

Cantica 120

10 min: Anuncionan local. Usa e sugerencianan na página 8, pa demostrá dos presentacion breve cu revista, unu cu E Toren di Vigilancia di 1 di november i e otro cu e Spierta! di 8 di november.

10 min: Con Lo Bo Respondé? Señalá brevemente página 385-6 dje buki Razonamentu na spañó (na ingles, página 204-5), caminda un contesta cla ta ser duná riba e pregunta: “Con Testigonan di Jehova ta yega na nan splicacion di Bijbel?” Presentá un demostracion bon prepará con pa contestá e pregunta aki na un rebishita, i cu ta incluí un caluroso invitacion pa asistí na e reunionnan di congregacion.

25 min: “Uní pa Medio di Siñansa Divino—Un Bista di Berdadero Unidad Fraternal.” Consideracion cu auditorio. Usa e promé i último paragraf pa introducí i concluí e parti. Pa stimulá un consideracion animá dje video, haci tur e preguntanan imprimí. Si tin rumannan den congregacion cu a yega di asistí na congreso den otro pais, laga nan comentá con nan a experenciá personalmente e alcanse i unidad internacional di nos organisacion. Si esei no ta e caso, laga algun ruman relatá experencianan caluroso for dje Anuario 1994, página 7-9, i Anuario 1995, página 8-11. Na december nos lo repasá e video Te n’e Parti Mas Leu di Tera.

Cantica 47 i oracion di conclusion.

Siman di 29 di October

Cantica 164

12 min: Anuncionan local. Corda publicadónan pa entregá nan raport di sirbishi di veld di october. E oferta di literatura pa november ta e foyeto Rekerí of e buki Conocimentu. Demostrá e presentacion breve aki: “Den e tempu aki cu ta yen di problema económico, hopi hende ta ripará cu ta difícil pa tene cabes riba awa. Bo ta kere cu gobiernunan lo solucioná e problema aki den un manera cu lo ta hustu pa tur hende? [Permití un contesta.] Mi a haña e promesa aki cu tin den Bijbel masha animador.” Lesa Salmo 72:12-14. Anto ofrecé e foyeto Rekerí of e buki Conocimentu, i incluí un comentario apropiado for dje publicacion.

15 min: Necesidadnan local.

18 min: “Con Bon Bo Ta Come Spiritualmente?”a Pidi mas comentario for di auditorio basá riba E Toren di Vigilancia di 15 di april 1997, página 28-31, pa splica pakico i con nos tin cu haci esfuerso pa mantené bon custumber di alimentá nos mes spiritualmente.

Cantica 181 i oracion di conclusion.

Siman di 5 di November

Cantica 167

10 min: Anuncionan local.

18 min: Prepará pa Reunion Como Famia. Tata ta papia cu su famia tocante con nan tur por prepará pa nan tin un bon participacion den reunion. Usando e instruccionnan for di E Toren di Vigilancia di 1 di juli 1999, página 19-20, paragraf 9, nan ta prepará comentario pa nan duna durante e Studio di Toren di Vigilancia dje siman aki. (1) Cada miembro di famia ta scoge un of dos pregunta riba cua nan lo comentá. (2) Despues di repasá e respectivo paragrafnan, nan ta formulá nan comentario den nan propio palabra. (3) Nan ta scoge textonan clave mencioná den e artículo, i ta considerá con cada un ta relacioná cu e tema, i nan ta planea kico pa bisa pa aplicá nan n’e les. Tur ta ansioso pa participá den e reunion.

17 min: “Kico Ta e Meta?”b Enfatisá e importancia di yuda studiantenan mira e balor di asistí na reunionnan di congregacion. Incluí un demostracion bon prepará con pa haci esaki, usando e buki Conocimentu, capítulo 17, paragraf 6-8.

Cantica 186 i oracion di conclusion.

[Footnotes]