Programa di Reunion di Sirbishi
Siman di 12 di Ougùstùs
Kantika 76
13 min: Anunsio lokal. Anunsio selektá for di Nos Ministerio di Reino. Usando e sugerensianan na página 8, tene dos demostrashon kon pa presentá E Toren di Vigilansia di 1 di ougùstùs i e Spièrta! di 8 di ougùstùs. Mustra den kada presentashon un otro manera pa trata ku e opstákulo “Pakiko boso ta pasa asina tantu?”—Wak e foyeto chikitu Con pa Cuminsá i Continuá Consideracionnan Bíblico, página 12 (òf buki Rasonamentu, página 20).
20 min: “Pone Metanan Spiritual.”* Ora di trata paragraf 5, inkluí komentarionan animante tokante e sirbishi di pionero regular, di misionero i di Bètel for di e buki Nos Ministerio, página 114-16.
12 min: Eksperensianan lokal. Invitá e kongregashon pa konta eksperensianan ku nan tabatin usando e tratado Lo Bo Kier Sa Mas Tocante Bijbel? Nan a kuminsá studio di Beibel kuné? Si ta asina, laga nan splika kon òf demostrá un òf dos eksperensia. Repasá e kuadro “Oportunidatnan pa Parti e Tratado” den Nos Ministerio di Reino di novèmber 2001, página 4.
Kantika 123 i orashon di konklushon.
Siman di 19 di Ougùstùs
Kantika 182
12 min: Anunsio lokal. Informe di kuenta. Trata “Programa Nobo di Dia Spesial di Asamblea.” Anunsiá fecha di e siguiente dia spesial di asamblea, i enkurashá tur presente pa nan yega trempan i paga bon tinu durante henter e programa. Animá publikadónan pa invitá hende resien interesá i studiantenan di Beibel.
15 min: Dikon Nan No Kier Papia ku Nos? Konsiderashon ku ouditorio i demostrashon. Den sirbishi nos ta topa hopi hende ku no kier papia di loke nan ta kere. Esaki ta pone un barera ku por stroba nos di kompartí e mensahe di Reino. Si nos sa dikon un persona no kier papia di su kreensianan, nos lo por prepará un introdukshon ku lo animá e persona pa ekspresá su opinion. Splika kon nos lo por adaptá nos presentashon ora nos topa ku e siguiente tipo di hendenan: (1) Hende ku no ta interesá den religion, ni sikiera den esun di nan mes. (2) Hende ku ta emoshonalmente pegá na kustumbernan religioso ku nan famia i antepasadonan a praktiká. (3) Hende ku ta sinti nan inkómodo pa papia tokante loke nan ta kere pasobra nan no por apoy’é ku loke Beibel ta bisa. (4) Hende ku tin prehuisio kontra nos debí na komentarionan eróneo di hende ku ta oponé nos. Ahustá e lista segun ta nesesario pa e pas ku e teritorio lokal, konsentrando riba aktitutnan ku ta komun den boso teritorio. Tene un demostrashon kòrtiku ku ta mustra kon pa dirigí e interes di un persona na un kòmbersashon bíbliko.
18 min: “Mustra Lealtat Kristian Ora Ekspulsá un Miembro di Famia.”* (Paragraf 1-8) Na enkargo di un ansiano bon kapasitá. E mester usa e preguntanan ku tin. Laga un ruman hòmber ku ta lesa bon, lesa e paragrafnan.
Kantika 136 i orashon di konklushon.
Siman di 26 di Ougùstùs
Kantika 189
10 min: Anunsio lokal. Usando e sugerensia na página 8, laga un pionero regular òf ousiliar demostrá kon pa presentá E Toren di Vigilansia di 15 di ougùstùs i laga un publikadó di kongregashon mustra kon pa presentá e ¡Despertad! di 22 di ougùstùs. Animá tur publikadó pa inkluí un teksto bíbliko den nan presentashon.
17 min: “Sea un Persona Ku Ta Komuniká Efikasmente!”* Na konklushon, animá e publikadónan pa repasá e kapítulo “Kon pa Mehorá Bo Abilidat di Kòmbersá” den e buki Benefisiá di e Edukashon dje Skol di Ministerio Teokrátiko (na spañó), página 62-5.
18 min: “Mustra Lealtat Kristian Ora Ekspulsá un Miembro di Famia.”* (Paragraf 9-14) Na enkargo di un ansiano bon kapasitá. E mester usa e preguntanan ku tin. Laga un ruman hòmber ku ta lesa bon, lesa e paragrafnan.
Kantika 125 i orashon di konklushon.
Siman di 2 di Sèptèmber
Kantika 84
10 min: Anunsio lokal. Kòrda tur publikadó pa entregá nan rapòrt di sirbishi di ougùstùs. Repasá brevemente e artíkulo “Lesa ku Bo Yunan” for di E Toren di Vigilansia di 1 di mei 1999, página 25.
20 min: Prepará Promé ku Bo Sali. Konsiderashon i demostrashon. Bon planeamentu ta yuda hasi nos sirbishi mas efektivo. P’esei di antemano: (1) Optené e literatura ku lo bo mester. (2) Hasi sigur ku bo tin sufisiente registro di kas pa kas i un pòtlot òf pèn. (3) Si bo mester di transpòrt, hasi e areglonan nesesario. (4) Pensa riba e rebishitanan ku bo kier hasi. (5) Prepará loke bo ta bai bisa. Si ta abo ta kondusí e reunion pa sirbishi di fèlt, optené sufisiente teritorio. Konsiderá ku e ouditorio dos òf tres manera ku por ofresé e buki Kreashon den sirbishi durante sèptèmber. Demostrá un di e presentashonnan i inkluí un teksto bíbliko den dje.—Pa haña sugerensia wak Nos Ministerio di Reino di sèptèmber 1996, página 8, i di yüni 1994, página 4.
15 min: Nesesidat lokal. Òf invitá e kongregashon pa konta eksperensianan ku nan tabatin den duna testimonio informal, kisas dor di kompartí e bon nobo ku hende na lugánan di parker, den transporte públiko, den parke, na sentronan komersial, na paradanan di bùs i otro lugánan públiko. Tene demostrashon di un òf dos eksperensia.
Kantika 99 i orashon di konklushon.
* Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.