Repaso di Skol di Ministerio Teokrátiko

Repaso ku buki será basá riba e material ku a ser tratá den asignashonnan den e Skol di Ministerio Teokrátiko p’e simannan di 2 di sèptèmber te ku 23 di desèmber 2002. Usa un blachi separá pa skirbi kontesta di mas tantu pregunta posibel den e tempu asigná.

[Nota: Durante e repaso skirbí, por usa solamente Beibel pa kontestá kualkier pregunta. E referensianan ku ta sigui e preguntanan ta pa bo investigashon personal. Number di página i paragraf kisas no ta aparesé na tur referensia di E Toren di Vigilansia.]

Kontestá kada un dje siguiente deklarashonnan ku Sierto òf Falsu:

1. Un paso vital pa hala serka Yehova ta meditá riba su kualidatnan maravioso. (Sal. 143:5) [2, w00-PA 15/10 pág. 4 §6] Sierto.

2. Loke Ezekiel 37:15-24 ta papia di dje, esta, e pegamentu huntu dje dos palunan, tin un paralelo moderno. Esaki ta ora ku na aña 1919 e ungínan fiel a ser uní bou di “un rei” i “un wardadó,” Kristu. [3, Lesamentu semanal di Beibel; wak w88-S 15/9 pág. 25 §13.] Sierto.

3. Maske krítikonan di Beibel a kuestioná e balor históriko dje buki di Daniel, deskubrimentunan arkeológiko atraves di añanan a proba lo kontrario. [6, si-S pág. 138 §4] Sierto.

4. No por tin motibu sólido pa kere ku loke nos ta tende ta falsu si nos a tend’é di un fuente di outoridat òf for di un hende ku hopi konosementu. [7, w00-PA 1/12 pág. 29 §7-8] Falsu. Ya ku argumentunan kuidadosamente diseñá por bini di fuentenan supuestamente bon informá i ku outoridat, kendenan ta usa “astusia den trahamentu di plan engañoso,” nos mester pone tal argumentunan “na prueba” den lus di 1 Huan 4:1. (Efe. 4:14)

5. E ekspreshon “profetanan menor” ta indiká ku e último 12 bukinan dje Skritura Hebreo ta ménos importante. [9, si-S pág. 143 §1] Falsu. E ekspreshon aki ta indiká ku e bukinan inspirá aki huntu ta mas kòrtiku ku e buki di Isaías òf esun di Yeremías.

6. Ámos tabata un dje “yu hòmbernan di e profetanan” ora ku Yehova a yam’é i mand’é profetisá na Huda i Israel. (2 Rey. 2:3) [11, si-S pág. 148 §1] Falsu. Ora ku Dios a yama Ámos pa sirbishi públiko, e tabata un wardadó di karné i tempu-tempu e tabata hasi e trabou humilde di planta palu di figu. (Ámos 7:14, 15)

7. Abdías 16 ta predisí ku e pueblo di Edom lo ser eksterminá kompletamente komo resultado di nan odio pa Huda. (Abd. 12) [12, Lesamentu semanal di Beibel; wak w89-S 15/4 pág. 30 kuadro.] Sierto.

8. E “lepnan purifiká,” òf idioma puru, ku Sofonias 3:9 ta papia di dje ta enserá e komprondementu korekto dje bèrdat tokante Dios i su propósitonan. [15, Lesamentu semanal di Beibel; wak w01-PA 15/2 pág. 27 §18.] Sierto.

9. E motibu pakiko Hesus a sinti un intenso preshon emoshonal den e hòfi di Getsémani ta ku e tabata preokupá tokante kon su morto komo un kriminal despresiá lo a afektá Yehova i Su nòmber santu. (Mat. 26:38; Luk. 22:44) [4, w00-PA 15/11 pág. 23 §1] Sierto.

10. E “filisteo” ku ta bira “manera un sheik den Huda” ku Zakarias 9:6 i 7 [NW] ta papia di dje, ta un deskripshon profétiko di miembronan dje otro karnénan awe ku “e esklabo fiel i prudente” ta entrená i ta duna outoridat segun ku esaki ta nesesario. (Mat. 24:45) [17, Lesamentu semanal di Beibel; wak w95-PA 1/7 pág. 23 §14.] Sierto.

Kontestá e siguiente preguntanan:

11. Den ki sentido nos responsabilidat di prediká por ser kompará ku Ezekiel su responsabilidat komo guardia? (Eze. 33:1-11) [2, Lesamentu semanal di Beibel; wak w88-S 1/1 pág. 28 §13.] Meskos ku Ezekiel, kende a wòrdu asigná pa spièrta e israelitanan ku ehekushon lo bini riba nan si nan no bolbe di nan mal kamindanan, e klase di guardia i nan kompañeronan tin e responsabilidat di spièrta hende tokante e binidero huisio di Dios.

12. Ki suseso paralelo na e vishon di Ezekiel tokante e wesunan seku e pueblo di Dios a mira den tempu moderno? (Eze. 37:5-10) [3, Lesamentu semanal di Beibel; wak w88-S 15/9 pág. 24 §12.] Na 1918 e resto dje Israel spiritual ku a wòrdu persiguí a bira manera wesu seku: morto pa loke ta nan trabou di duna testimonio públiko; pero na 1919, Yehova a rebibá nan komo proklamadó di Reino.

13. Kua ta e prueba di mas konvinsente ku e buki di Zakarias ta inspirá dor di Dios? [16, si-S pág. 169 §5] E prueba di mas konvinsente ku e buki a wòrdu inspirá dor di Dios ta e kumplimentu di su profesianan tokante Kristu Hesus.

14. Kiko e stat den Ezekiel su vishon ta representá? (Eze. 48:15-17) [5, Lesamentu semanal di Beibel; wak ­w99-PA 1/3 pág. 18 §22.] Pa motibu ku e ta keda meimei di un tera “profano” (ku no ta sagrado), e mester ta algu terenal; aparentemente e ta representá e atministrashon terenal ku ta benefisiá tur ku lo forma parti dje sosiedat terenal hustu. (2 Ped. 3:13) (Idea prinsipal ta sufisiente)

15. A base di Isaías 2:2-4, kon nos lo por splika ku e kosnan ku ta tumando lugá awe na Israel no ta kumpli spesífikamente ku profesia di Beibel? [7, rs-S pág. 220 §4 (rs-E pág. 223 §3)] Awe no tin niun “kas di e Dios di Jakòb” den Yerúsalèm kaminda e tèmpel tabata situá, pero, mas bien, tin un santuario Islámiko; ademas, ni Israel ni su nashonnan bisiña no ta dal paso pa “bati nan spadanan traha plug ku nan.”

16. Ki lès nos por siña for di Daniel su reakshon ora ku e rei a dekretá ku pa 30 dia niun hende no mag resa na ningun dios òf persona ku no ta e rei? (Dan. 6:7-10) [7, Lesamentu semanal di Beibel; wak dp-PA pág. 125 §25-8.] Daniel a konsiderá kualkier kambio den su rutina di adorashon igual ku komprometé su fe i e no tabata kier pa opservadónan konkluí ku e tabata yen di miedu òf ku e òrdu di rei a invalidá Dios su lei. Di igual manera, nos mester ta leal i fiel na Yehova.

17. Ki mensahe di Yehova e resto a proklamá ku a hasi nan manera un leon entre e nashonnan? (Mik. 5:8) [13, Lesamentu semanal di Beibel; wak w82-S 15/6 (w81-E 15/7) pág. 23 §10.] Esei tabata e mensahe di “e dia di vengansa di nos Dios” ku a hasi nan manera un leon pa motibu di nan kurashi. Nan a avisá e atversarionan dje Reino di Dios establesí ku nan lo ser destruí na Armagedon pa medio di Yehova su Rei Guerero Hesukristu, “e Leon ku ta di e tribu di Huda.” (Isa. 61:1-3; Rev. 5:5)

18. Kiko e ekspreshon “bo a bora kabes di su guereronan ku su mes lansanan” menshoná na Habakuk 3:14 ta nifiká? [14, Lesamentu semanal di Beibel; wak w00-PA 1/2 pág. 22 §15; w81-S 15/12 pág. 29 §4-5 (w81-E 1/8 pág. 29 §6-7).] Na Armagedon Yehova lo konfundí e enemigunan di su pueblo i pone nan mes dirigí nan armanan kontra otro.

19. Kiko uso dje palabra “kisas” na Sofonias 2:3 ta indiká? [15, Lesamentu semanal di Beibel; wak w01-PA 15/2 pág. 19 §8.] Dios su promesa ta konfiabel, pero e punto ta si nos sinseramente lo sigui hasi loke ta bon den bista di Dios; no tin lugá pa konfiansa propio, i nos ta ser rekordá pa no abusá di e miserikòrdia di Dios.

20. Di akuerdo ku Zakarias 8:6, kon Yehova a logra for di aña 1919 padilanti, loke por parse muchu difísil for dje punto di bista humano? [16, Lesamentu semanal di Beibel; wak w96-PA 1/1 pág. 16 §18-19.] Na 1919, e spiritu di Yehova a rebibá su pueblo pa e trabou ku tabatin nan dilanti; desde e tempu ei, Yehova a bendishoná su pueblo ku oumento, el a fortifiká nan komo organisashon, i a ekipá nan pa hasi e trabou di prediká e bon nobo rònt mundu.

Yena e palabra(nan) òf frase nesesario pa kompletá kada un dje siguiente deklarashonnan:

21. Nos ta papia ku Yehova pa medio di orashon, ku ta adorashon dirigí na Dios; en buèlta, e forma prinsipal ku Yehova ta usa pa papia ku nos ta mediante su Palabra skirbí. (Sal. 65:2; 2 Tim. 3:16) [2, w00-PA 15/10 pág. 5 §2-3]

22. Hesukristu por ser identifiká komo Miguel ora kompará Hudas 9 ku 1 Tesalonisensenan 4:16, kaminda Hesukristu su mandato pa e resurekshon kuminsá ta ser deskribí komo “bos di arkangel”; ademas, e nòmber Miguel ta nifiká “Ken Ta Manera Dios?,” loke evidentemente ta indiká ku Hesus ta esun ku ta tuma delantera den apoyá Yehova su soberania i destruí enemigu di Dios. [4, rs-S pág. 215 (rs-E pág. 218) §1-2]

23. ‘E òrdu pa restorá i rekonstruí Yerúsalèm’ a ser duná na aña 455 promé ku Era Komun, markando e kuminsamentu dje 69 simannan di aña, ku ta terminá ku e aparishon dje Mesias na aña 29 di nos era. (Dan. 9:25) [8, Lesamentu semanal di Beibel; wak dp-PA pág. 190 §20–pág. 191 §22.]

24. Yoël 2:31 ta papia dje solo ku lo bira skur i esaki ta korespondé ku Mateo 24:29 i 30, kaminda Hesus ta deskribí su binida komo e Yu di hende ku poder i gran gloria. [10, si-S pág. 147 §13]

25. E profesia di Nahum tokante Asiria i su stat kapital Nínive, ta halsa Yehova su hustisia i supremasia i ta duna nos konfiansa ku Yehova lo husga tur malbado. [14, si-S pág. 160 §11]

Skohe e kontesta korekto den kada un dje siguiente deklarashonnan:

26. E buki di Ezekiel ta enfatisá ku Yehova ta (generoso; humilde; santu) i ta splika ku (e desaroyo di nos personalidat; e santifikashon dje nòmber di Yehova; ser un bon próhimo) ta mas importante ku kualkier otro kos. [5, si-S pág. 137 §33]

27. Ezekiel, kende a biba den e mesun temporada ku Daniel, ta konfirmá ku Daniel tabata un persona real dor ku e ta menshon’é huntu ku (Noe ku Job; Moises ku Hosué; Elías ku Eliseo). [6, si-S pág. 138 §2]

28. Na armonia ku Daniel 2:34, 35 i 45, e piedra ku ta dal i garna e estatua ta representá (Armagedon; mensahenan pisá di huisio ku e pueblo di Dios ta proklamá; e Reino Mesiániko). [8, si-S pág. 142 §20, 23]

29. E nashon simbóliko di tirakochi, òf dalakochi, ku Yoël 1:4-6 ta menshoná ta representá (e nashon di Israel; kristiannan ungí; e ehérsito romano). (Echo. 2:1, 14-17) [10, Lesamentu semanal di Beibel; wak ­w98-PA 1/5 pág. 9 §9.]

30. “E reino di su Yu stimá,” ku Kolosensenan 1:13 ta menshoná ta (e Reino Mesiániko; Kristu su reinado riba e kongregashon kristian desde Pentekòste di aña 33 di nos era; e Reinado di Mil Aña di Kristu). [14, rs-S pág. 306 §6 ( rs-E pág. 232 §4)]

Kuadra e siguiente tekstonan ku e deklarashonnan aki bou:

Osé. 6:6; Yoël 2:32; Zak. 4:6, 7; 13:3; Rom. 12:2

31. Nos no mester permití e normanan kultural òf seglar dje sistema di kosnan aki influensiá nos mente òf nos forma di pensa. [Rom. 12:2] [3, w00-PA 1/11 pág. 21 §5]

32. Loke ta agradá Dios ta ekspreshonnan di amor leal basá riba konosementu di dje, i no un gran kantidat di sakrifisio hasí ku formalidat. [Osé. 6:6] [9, Lesamentu semanal di Beibel; wak si-S pág. 145 §16.]

33. Pa nos gana salbashon ta esensial pa nos konosé, respetá i konfia e persona ku ta karga e nòmber divino. [Yoël 2:32] [10, Lesamentu semanal di Beibel; wak w89-S 15/3 pág. 30 kuadro.]

34. Dios su propósito ta ser lográ, no pa medio di ningun poder humano, sino mediante su spiritu ku ta permití su sirbidónan vense opstákulonan manera seru i perseverá den sirbishi di Dios. [Zak. 4:6, 7] [16, si-S pág. 169 §2]

35. E lealtat ku ta karakterisá Yehova su organisashon ta surpasá tur relashon humano, tal komo e relashon ku ta eksistí entre famianan hopi djaserka. [Zak. 13:3] [17, si-S pág. 171 §24]