Anunsio

◼ Oferta di literatura pa desèmber: E homber mas importante cu hamás a biba. Komo oferta alternativo nos por usa E Bijbel—e Palabra di Dios of e palabra di hende?, Mi buki di relato bíblico òf Bo por biba pa semper den Paradijs riba tera. Yanüari: Kualkier buki di 192 página publiká promé ku 1988 ku kongregashon tin den stòk. Kongregashonnan ku tin Hende en Buska di Dios na stòk por ofresé esaki tambe. Febrüari: Lo ofresé e buki nobo Hala Serka Yehova. Mart: Conocimentu cu Ta Hiba na Bida Eterno. Nos lo hasi un esfuerso spesial pa kuminsá studio di Beibel.

◼ Entrante yanüari 2003, lo bai kambia e manera ku ta dirigí e Skol di Ministerio Teokrátiko durante e bishita di e superintendente di sirkuito. Despues di e kantika i orashon di apertura, lo tene e skol pa mas o ménos 25 minüt. Lo tin un diskurso di sinku minüt riba un kalidat di papia, un diskurso di instrukshon di 10 minüt i puntonan sobresaliente di Beibel pa 10 minüt. Partinan Num. 2, 3 i 4 ta kai afó. Anto despues di e skol ta sigui e Reunion di Sirbishi pa 30 minüt. Despues di un kantika, lo tin un programa di 30 minüt na enkargo di e superintendente di sirkuito, siguí pa kantika i orashon di konklushon.

◼ Pronto nos lo manda pa boso kongregashon e invitashonnan pa Memorial 2003 den e idioma prinsipal di kada kongregashon. Si tin hende di otro idioma den boso teritorio i boso kier un suministro di invitashon den e idiomanan ei, mester hasi pedido pa nan mesora riba un Formulario di Pedido di Literatura (S-14). Invitashonnan pa Memorial lo ta disponibel na chines, franses, hulandes, ingles, papiamentu (di Kòrsou), portugues, spañó i tágalog. Por fabor, pidi solamente e idiomanan nesesario pa boso teritorio.

◼ Tur publikadó batisá ku ta presente na e Reunion di Sirbishi di e siman di 6 di yanüari por haña e karchi di Instrukshon/Eksonerashon Médiko Delantá i e Karchi di Identifikashon pa nan yunan.

◼ Publikashon Disponibel:

Beibel Santu—papiamentu

Nota: Esaki ta solamente pa publikadó- i studiantenan di Beibel ku ta hasi progreso, i no pa laga den sirbishi di vèlt. Esaki ta un artíkulo di pedido spesial. Maske sukursal no ta kobra pa e artíkulo aki, normalmente librerianan lokal ta bend’é pa mas ku binti florin pa un. E Kuerpo Gobernante a hasi areglo pa e kongregashonnan por haña un tradukshon di Beibel ku no ta di Sosiedat. Ta bon pa nos mustra apresio pa e perkurashon aki dor di hasi un donashon ora nos risibí e ehemplar ku nos pidi.

Sirbidónan di literatura mester sòru tene un bon registro di tur esnan ku a pidi un ehemplar, i parti nan segun e lista ei. Komo ku e stòk di sukursal ta poko limitá, nos kier kòrda tur publikadó ku no mag repartí e Beibelnan aki manera nos ta hasi ku foyeto, buki òf otro publikashon, kaminda un publikadó ta tuma e kantidat ku e ta pensa ku lo e bai laga den sirbishi. Tampoko publikadónan no tin mag di tuma èkstra ehemplar pa usa den futuro òf pa laga den sirbishi di vèlt. Fuera di e publikadónan di kongregashon, ta solamente studiantenan di Beibel ku ta hasi progreso ta bini na remarke pa haña un ehemplar.