Programa di Reunion di Sirbishi

Siman di 13 di Yanüari

Kantika 69

10 min: Anunsio lokal. Anunsio selektá for di Nos Ministerio di Reino. Usando e sugerensianan na página 4, tene dos demostrashon. Un ku ta mustra kon pa presentá E Toren di Vigilansia di 1 di yanüari i un otro di e Spièrta! di 8 di yanüari. Den kada un di e demostrashonnan aki, mester ofresé tur dos revista huntu maske bo ta resaltá un so.

15 min: Ganá sin Palabra. Diskurso i konsiderashon ku ouditorio. Kondukta kristian ekselente ta un testimonio poderoso. Esaki a konmové algun kasá ku no ta kreyente pa bira adoradó di Yehova. (1 Ped. 3:1, 2) Relatá eksperensianan ku tin den E Toren di Vigilansia di 1 di yanüari 1999, página 4; E Toren di Vigilansia di 1 di òktober 1995, página 10-11; i e Anuario (na spañó) di 1995, página 46. Hasi areglo di antemano pa dos òf tres persona komentá riba e resultadonan positivo ku nan a haña dor di sigui e konseho di Beibel den e área aki.

20 min: “Kumpli ku Nos Dedikashon.”a Ora kaba di konsiderá paragraf 3, entrevistá brevemente un adulto hóben òf un teenager batisá. Ki prueba i tentashon el a enfrentá desde ku el a batisá? Kiko a yud’é vense e pruebanan i tentashonnan ku éksito? Kon el a benefisiá di e echo ku el a dediká su bida na Yehova?

Kantika 22 i orashon di konklushon.

Siman di 20 di Yanüari

Kantika 44

8 min: Anunsio lokal. Informe di kuenta.

15 min: Bo Ta Eksaminá e Skritura Diariamente? Diskurso i konsiderashon ku ouditorio. Animá tur presente pa hasi bon uso di e foyeto Eksaminando e Skritura Diariamente—2003. Konsiderá algun punto di e prólogo na página 3-4. Sugerí kon famianan por trata e teksto di dia huntu. Pa mustra kiko ta e benefisionan di konsiderá e teksto di dia tur dia, papia riba dos òf tres ehèmpel di e teksto di dia i su komentario ku lo wòrdu trata e siguiente luna. Inkluí un demostrashon kòrtiku den kua un esposo i esposa huntu ta konsiderá e teksto di dia ku su komentario.

22 min: “Siña Otro Hende e Idioma Puru.”b Ora kaba di konsiderá paragraf 6, laga un publikadó ábil mustra kon pa kuminsá un studio di Beibel na porta di kurá ora di hasi un rebishita, usando un di e presentashonnan di e suplemento di Nos Ministerio di Reino di yanüari 2002, página 4. Inkluí un konsiderashon di un paragraf for di e foyeto Rekerí. Laga e publikadó konkluí ku un pregunta di e siguiente paragraf i hasi afsprak pa kontest’é na e siguiente bishita. Animá tur presente pa evaluá si e personanan ku nan ta rebishitá lo ta dispuesto pa studia Beibel di e manera aki.

Kantika 68 i orashon di konklushon.

Siman di 27 di Yanüari

Kantika 92

10 min: Anunsio lokal. Rekordá e publikadónan pa entregá nan rapòrt di sirbishi di vèlt. Usando e sugerensianan na página 4, tene dos demostrashon. Un pa mustra kon pa presentá E Toren di Vigilansia di 15 di yanüari i e otro pa e ¡Despertad! di 22 di yanüari. Den kada demostrashon, e publikadó ta konkluí dunando e tratado Lo Bo Kier Sa Mas Tocante Bijbel? na e doño di kas (den un demostrashon e persona no ta aseptá e revistanan i den e otro sí). Splika brevemente kon nos por rebishitá esnan ku a tuma e revistanan huntu ku e tratado.—Mira Nos Ministerio di Reino di novèmber 2001, pág. 4, §10.

15 min: Nesesidat lokal.

20 min: Yuda Hende Hala Serka Yehova. Diskurso i konsiderashon ku ouditorio. Nos lo ofresé e buki nobo durante febrüari. Trata e nota pa e lektor ku tin na página 3, i resaltá algun di e rasgonan di e buki. Kada un di e kuater sekshonnan ta enfoká riba un di Yehova su atributonan prinsipal. Tambe kada sekshon ta inkluí un kapítulo ku ta mustra kon Hesus a desplegá e kualidat ei i un kapítulo ku ta trata kon nos por hasi e mesun kos. Tin 17 plachi di esenanan bíbliko di henter un página. E kuadro “Pregunta pa Meditá Ariba” ta yuda nos reflekshoná riba otro aspektonan importante di un tópiko. Repasá e kuadro “Maneranan pa Presentá Hala Serka Yehova,” i laga un publikadó ábil demostrá un di e presentashonnan.

Kantika 124 i orashon di konklushon.

Siman di 3 di Febrüari

Kantika 9

15 min: Anunsio lokal. Repasá e Kaha di Pregunta. Animá e publikadónan pa usa e formulario Por Fabor Atendé (S-43-PA) ora nan topa hende ku ta papia un otro idioma, manera e karta na tur kongregashon, fechá 15 di òktober 1998, ta splika. Generalmente, mester usa e formulario pa e propósito aki asta si e persona no mustra interes den e mensahe di Reino.

12 min: Imitá Nan Fe. Entrevistá un ansiano ku humildemente i fielmente ta sirbiendo Yehova pa hopi aña. (Heb. 13:7) Kon el a haña e bèrdat? Ki opstákulo e mester a vense pa kousa di e bèrdat? Ki provishon òf animashon spiritual a yud’é progresá? Kiko el a hasi p’e alkansá e puesto di superintendente den e kongregashon? (1 Tim. 3:1) Kiko a yud’é balansá responsabilidatnan di kongregashon ku obligashonnan di famia i di trabou? (1 Tim. 5:8) Kiko e ta pensa di e privilegio di yuda otro rumannan den e kongregashon?

18 min: “Un Trabou Ku Ta Rekerí Humildat.”c Ora di trata paragraf 3, pidi e ouditorio pa duna sugerensia tokante kon pa reakshoná si un hende den teritorio ta purba hasi mofa di nos, ta trata nos malu, kier diskutí òf ta rabiá. Ora di trata paragraf 4, inkluí komentario basá riba Perspikasia (na spañó), Volúmen 1, página 1188 § 3 (na ingles, Volúmen 1, página 1160 § 3).

Kantika 133 i orashon di konklushon.

[Footnotes]