Programa di Reunion di Sirbishi
Siman di 10 di Mart
Kantika 5
10 min: Anunsio lokal. Anunsio selektá di Nos Ministerio di Reino. Usando e sugerensianan na página 8, tene dos demostrashon. Un pa presentá E Toren di Vigilansia di 1 di mart i e otro di e Spièrta! di 8 di mart. Den kada demostrashon mester ofresé ámbos revista, maske bo ta papia riba un so.
15 min: Benefisiá di e Anuario 2003. Diskurso i konsiderashon ku ouditorio. Papia riba puntonan sobresaliente di “Un Karta di Kuerpo Gobernante,” na página 6 di e suplemento di e Ministerio di Reino aki (página 3-5 di e Anuario). Hasi areglo di antemano pa algun publikadó konta eksperensianan i relatonan ku spesialmente a animá nan i fortalesé nan fe. Menshoná puntonan sobresaliente di e informe mundial. Animá famianan pa tiki-tiki lesa henter e buki durante aña. Sugerí kon nos por usa e buki aki pa guia esnan nobo na e organisashon di Yehova i animá nan pa asistí na e reunionnan.
20 min: “Laga Nos Ta Seloso pa Loke Ta Bon.”a (Paragraf 1-12) Ora kaba di trata paragraf 6, laga un publikadó mustra brevemente kon e ta invitá un famia, bisiña, kompañero di skol òf un kolega di trabou pa Memorial, usando e papel di invitashon. Si ainda e rumannan no a haña e papel di invitashon aki, mester parti nan despues di reunion.
Kantika 19 i orashon di konklushon.
Siman di 17 di Mart
Kantika 34
10 min: Anunsio lokal. Informe di kuenta.
15 min: Skohe Bo Amigunan na un Manera Sabí. Diskurso na enkargo di un ansiano, basá riba e ¡Despertad! di 22 di febrüari 1997, página 13, i e informashon bou di e suptema “Mal Asosiashon” di e buki Rasonamentu na spañó, página 184 (na ingles, página 189). Mustra kon e prinsipionan ta konta tantu pa hóben komo hende grandi. Resaltá e benefisionan di skohe komo amigu esnan ku ta stima Yehova i ku ta demostrá ku nan ta hasi esfuerso pa pega na su normanan.
20 min: “Laga Nos Ta Seloso pa Loke Ta Bon.”b (Paragraf 13-24) Na enkargo di e superintendente presidente. Ora di konsiderá paragraf 14, laga un ansiano mustra kon e ta hasi un bishita animador serka un ruman hòmber ku ta enfermo. Durante e bishita e ta splika bondadosamente kon e ruman por partisipá den e èkstra aktividat di e kongregashon durante e temporada di Memorial.
Kantika 53 i orashon di konklushon.
Siman di 24 di Mart
Kantika 72
10 min: Anunsio lokal. Usando e sugerensianan na página 8, tene dos demostrashon. Un pa presentá E Toren di Vigilansia di 15 di mart i e otro di e ¡Despertad! di 22 di mart.
15 min: Nesesidat lokal.
20 min: Testigunan di Yehova—Un Bon Influensia den Komunidat. Diskurso i konsiderashon ku ouditorio. Tin bes nos ta haña oportunidat pa mustra kon nos sirbishi i ehèmpel ta benefisiá e komunidat. Pidi e ouditorio pa komentá riba e siguiente puntonan: (1) Nos ta siña hende pa biba segun e normanan moral Beibel. (2) Nos ta siña hende onestidat i rèspèt pa outoridat. (3) Nos ta siña hende pa mantené armonia entre rasa, nashonalidat i gruponan sosial. (4) Nos ta yuda otro hende mehorá nan bida di famia dor di animá nan pa apliká prinsipionan bíbliko. (5) Nos a siña míles di hende kon pa lesa i skirbi. (6) Nos ta hasi hopi esfuerso pa yuda otro hende ora tin desaster. (7) Nos a hunga un papel importante den garantisá libertat di religion ku tur hende ta disfrutá di dje.—Mira e buki Proklamadónan, página 699.
Kantika 121 i orashon di konklushon.
Siman di 31 di Mart
Kantika 130
12 min: Anunsio lokal. Rekordá tur publikadó pa entregá nan rapòrt di sirbishi di vèlt di mart. Menshoná e oferta di literatura pa aprel. Repasá e kòlòm “Usa e Buki Adorá Dios pa Dirigí Studio di Beibel.” Trata puntonan prinsipal di e kuadro “Rekordatorionan pa Memorial.”
13 min: Eksperensianan lokal. Pidi e kongregashon pa relatá eksperensianan ku nan a disfrutá di dje durante e temporada di èkstra aktividat ku a tuma lugá den mart. Elogiá nan pa nan esfuersonan, i animá tur e publikadónan pa partisipá plenamente segun nan sirkunstansia durante aprel.
20 min: “Alabá Yehova na Gran Manera.”c Enfatisá e importansia di Memorial. Mustra kon tur publikadó por yuda otro hende pa t’ei presente. Splika kiko por ser hasí pa komuniká ku personanan inaktivo pa rebibá nan interes. Pidi e ouditorio pa relatá kualkier eksperensia animador di e selebrashon di aña pasá.
Kantika 173 i orashon di konklushon.
Siman di 7 di Aprel
Kantika 191
10 min: Anunsio lokal.
15 min: Kon pa Rasoná for di e Skritura. Konsiderashon ku ouditorio. Kon nos por desaroyá e abilidat pa rasoná di un manera efikas ku hende den sirbishi? (1) Atkerí un bon konosementu di e Skritura mediante studio personal regular i asistensia na reunion. (2) Meditá riba loke bo siña, analisando bèrdatnan for di vários ángulo. (3) No buska solamente splikashonnan di tekstonan bíbliko pero tambe e motibunan bíbliko ku tin tras nan. (4) Pensa kon lo bo splika tekstonan bíbliko na diferente tipo di hende. (5) Pensa kon lo bo por ilustrá sierto punto.
20 min: “Kon e Bèrdat Ta Hasi Nos Liber.”d Inkluí komentarionan basá riba e kuadro na página 6 di E Toren di Vigilansia di 1 di òktober 1998. Pidi e ouditorio pa komentá kon e bèrdat di e Palabra di Dios a libra nan.
Kantika 217 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.